DILI, STLTIMORLESTE.com – Sentru Nasional Chega (CNC – sigla português) asina akordu servisu hamutuk ho Muzeum Memorial Munisipiu Manatuto hodi estabelese atividade muzeum nian iha neeba.
“Ohin dader nee CNC ho kontetente selebra kontratu ba akordu servisu hamutuk entre CNC ho Muzeum Memorial Munisipal Manatuto nian, hanesan ita boot sira hatene iha loron 3 fulan Marsu liu ba hetan inaugura husi Ministru Administrasaun Estatal nomos Primeiru Ministru, Kay Rala Xanana Gusmão,” dehan Diretor Ezekutivu CNC, Hugo Maria Fernandes ba jornalista sira iha sala Gabinete CNC, Tersa (15/04/20250.
Nia dehan, pasu tuir mai mak obrigasaun CNC nian atu kontinua fo apoiu ba iha Muzeum Memorial Munisipal Manatuto para depois bele funsiona tuir knaar instituisaun muzeum ida nee, no marka prezensa husi jestor Muzeum Memorial Munisipal Manatuto neebe mak sira ho sira nia ekipa iha nee atu selebra servisu hamutuk ho CNC ba tinan ida nian.
“Ohin loron nee marka prezensa husi jestor Muzeum Memorial Munisipal Manatuto, neebe mak sira ho ekipa iha nee atu selebra servisu hamutuk CNC, ida nee ba tinan ida nian,” dehan nia.
Nia hatutan, akordu servisu hamutuk atu kobre komponente importante rua, ida koalia kona-ba apoiu finanseiru no ida seluk komponete seluk mak husu apoiu nee atu bele halo atividade sira neebe mak normalmente iha muzeum nian.
Iha fatin hanesan, Koordenador Muzeum Memorial Munisipal Manatuto, Avelino Domingos Soares hateten, enkontru ida ohin entre CNC ho Muzeum Memorial Munisipal Manatuto, objetivu husi enkontru nee atu selebra asina akordu servisu hamutuk hodi apoiu finansa husi CNC ba iha Muzeum Memorial Munisipal Manatuto tuir proposta neebe mak muzeum submete mai iha CNC depois hetan aprovasaun, antes transfere orsamentu nee ba iha Muzeum sei selebra asina akordu, nunee bele sai hanesan baze legal ida ba iha instituisaun rua nee, akordu ida nee apoiu finasiamentu husi CNC ba iha Fortalesimentu Institusional atu reforsa Muzeum Memorial Manatuto nian, liu-liu iha parte rua.
Apoiu ba operasional nian no mos atividade ba Muzeum Memorial Munisipal Manatuto mak atu implemanta iha tinan ida nee, iha atividade ida rua mak Muzeum Memorial Manatuto sei implementa.
(EST 04)
