DILI, STLTIMORLESTE.com – Iha loron Tersa (06/05/2025) Bankada CNRT iha uma fukun Parlamentu Nasional halo Konferensia Imprensa hodi kontra akuzasaun no alegasaun husi FRETILIN hasoru Prezidente Tribunal Rekursu, ho ida nee Sekretariu Jeral Partidu FRETILIN Mari Alkatiri hatete, Bankada CNRT laiha razaun, sira kumpri deit ordem.
Sekretariu Jeral Partidu FRETILIN, Mari Alkatiri hatoo lia hirak nee ba jornalista sira iha nia knaar fatin Farol, Kuarta nee (07/05/2025).
Nia hatete, Deputadu sira husi Bankada CNRT laiha razaun maibe sira kumpri ordem tanba nee sira rasasino.
“Bankada CNRT laiha razaun, sira kumpre ordem, tanba nee sira rasasino deit ofisial tomak ona, hau lee ona sira nia intervensaun, rai nee hanesan nee hau nonok laiha problema hau koalia hotu-hotu hau mak sala, tanba hau nia ulun nee mos hau koalia nafatin se mak foer iha kakutak tauk ema atu koalia, hau la imfluensia ema ida, hau koalia hau nia opinaun, se mak konkorda bele konkorda se mak la konkorda nee normal, komesa fo sala fali mai hau tanba hau koalia entaun hakarak hau nonok deit ka depois liga hau nia koalia ho Juiz sira nia atitude kuidadu ho ida nee,” dehan Sekretariu Jeral FRETILIN, Mari.
Sekretariu Jeral, dehan nia ema ida respeita tebes orgaun soberania ida nee no uluk kedas dehan lakohi halo poder informal muito menus ba tribunal, ema balun agora halo informal la hetan halo formal hakarak sobu judisiariu.
“Nee mak hau dehan ita iha loron ida no fatin ida ke agora, ita uluk kombate tiha kolonializmu ita manan kolonial husi rejime Soharto nia mos ita manan agora ita rejime neokolonial nee ho legartiko ema ida rua deit hamutuk hakarak manda nee mak akontese agora nee. Hau laiha buat ida kontra Doutor Carmona, hau koalia nee tuir konstituisaun ka la tuir konstituisaun, se la tuir, sala, labele ema ida nia vontade mak iha konstituisaun nia leten, labele grupu ida tau iha konstituisaun nia leten,” dehan Mari.
Sekretariu Jeral dehan, nia uluk deputadu konstituante maibe laos deputadu ba vota deit maibe nia interven no halo proposta, tanba nee hatene saida mak hakerek iha konstituisaun husi letra no objetivu.
Mari dehan, se hakarak muda konstituisaun entaun tenke eleisaun para manan boot liu hodi muda konstituisaun, se la muda entau solusaun mak ida nee, laos ema ida rua nia vontade muda buat hotu no lori lei mak muda konstituisaun.
Liu husi Konferensia Imprensa Prezidente Bankada CNRT, Deputadu Duarte Nunes hatete, Bankada CNRT halo konferensia hodi responde ba akuzasaun husi Partidu FRETILIN hasoru Prezidente Tribunal Rekursu, Afonso Carmona.
Nia dehan, Bankada CNRT halo konferensia imprensa hodi kontra akuzasaun no alegasaun husi FRETILIN, maibe nuudar responsablidade moral Bankada CNRT nia atu hatuur klareza lialos no enkoraja ema hotu atu fiar iha Tribunal, so nunee deit mak tribunal bele halao ho efetivu indepedente ka autonumu nuudar dalan atu garante imparsalidade objetividade legalidade husi sira nia desizaun sira.
(eme)
