DILI, STLTIMORLESTE.com – Partidu Koligasaun CNRT ho PD halao konferensia alargada, hodi ajusta dezafiu sira iha debate proposta Orsamentu Jeral Estadu (OJE) 2025.
Visi Bankaria CNRT, Patrocino Fernandes hatete, konferensia horiseik nee hanesan konsolidasaun normal atu haree ba prosesu debate iha plenária kona-ba OJE 2025.
Ema hotu hatene katak, debate Estadu ba proposta OJE konserteza sei iha asuntu estadu nian neebe presiza atu haree iha debate. Maibe debate mos hanoin katak prosesu debate nee iha autorizasaun tuir rejimentu.
“Nuudar Bankada Governu no membru Governu, ami Bankada Governu politikamente tenke apoia Governu ho nia programa sira, entaun konferensia nee atu konsolida malu hodi haree no ajusta ita nia dezafiu sira ho limitasaun tempu neebe iha atu debate nee lao diak liu no dinamika. Neebé konferensia nee konsentra liu ba kualidade ezekusaun”, katak Visi Bankada CNRT, Patrocino Fernandes ba STL, iha PN, Dili, Tersa (05/11/2024).
Nia dehan, loos duni, nee hanesan toka ida katak iha audensia sira Deputadu sira koloka kestaun barak liu kona-ba ezekusaun OJE 2024, tanba nee iha hanoin ruma kona-ba OJE nee revizaun, laos katak Parlamentu aprova X, ezekusaun mos tenke C ida nee lae.
Tanba buat neebe importante katak orsamentu nee tuir programa, deputadu sira ba fiskaliza hodi haree bele koloka rm kestaun, katak programa sira neebe Govervu propoinatu implementa nee ezekuta too iha neebe, orsamentu sira atu ezekuta tuir programa nee too iha neebe.
Patrocino afirma, iha konferensia alargada nee hodi koalia kona-ba kualidade de ezekusaun, la signifika katak ezekuta osan laiha kualidade, maibe hanesan hanoin seluk husi hanoin neebe katak, tanba sa besik ona ezekusaun labele too 100%, neebe laos detekta laiha kualidade ezekusaun iha OJE 2024 lae, maibe hanoin ruma katak ezekusaun nee labele haree ba numeru, maibe tenke haree mos ba programa sira.
Enkuantu haree ba ezekusaun OJE 2024, emtermus numeru too iha fim Outubru 50$ ital, maibe aumenta ho obrigasaun no kompromisu sira iha fim Outubru too 60% ital
Atu dehan katak, iha istória ezekusaun OJE, diak liu ona mak 80%, neebe ezekusaun ba OJE 2024 molok too Dezembru bele too 80 ou 70 ital %.
Tuir nia, ezekusaun OJE 2024 responde ho implementasaun programa kalae, ida nee haree ba Publiku enkoraja atu hadia, emtermus realidade iha mudansa lubuk ida haree estrada sira balu komesa hadia, nee exemplu balu, lasignifika katak Governu halo buat barak ona, maibe atu dehan katak iha duni esforsu atu hatudu katak atu kumpri kompromisiu sira neebe IX Governu tau.
(gui)
