DILI, STLTIMORLESTE.com – Membru Parlamentu Nasional (PN) liu husi Bankada Kongresu Nasional Timorense (CNRT) preokupa ho Ministeriu Administrasaun Estatl (MAE), neebe seidauk atrbui kompetensia tomak ba Prezidente Autoridade Munisipiu sira atu halo jestaun ba sira nia orsamentu neebe iha.
Ho nunee halo Deputadu Bankada CNRT, Patricinio Fernandes preokupa, bainhira governu hasae grau nee husi Administrator Munisipiu ba Prezidente Autoridade Munisipiu, ho hanoin ida katak implemente lalais poder lokal iha munisipiu sira.
Tanba haree husi Orsamentu Jeral Estadu neebe iha, oras nee Autoridade Munisipiu sira jere deit salariu vensimentu bens servisu no atende deit enkontru sira iha nasional, tanba orsamentu neebe aloka ba kada munisipisiu sira iha Kapital Dezenvolvimentu kuaze la ezekuta, so iha deit munisipiu tolu mak bele ezekuta ninia montante tokon US$1, restu la too ida nee.
Maibe haree dekretu lei neebe atribui ba Prezidente Autoridade Munisipiu sira iha kompetensia para atu bele jere projetu sira neebe ho montante orsamentu rihun $500 ba kraik, ho hanoin ida katak tinan ida governu sentral bele fo kompetensia ba Prezidente Autoridade sira atu jere deit projetu ida, haree ba problema neebe kada Munisipiu sira iha ho orsamentu sira hanesan rihun US$300 no rihun US$ 400 Prezidente Autoridade Munisipiu sira atu halo saida.
“Neebe hau la hanoin katak problema nee iha neebe no serake Prezidente Autoridade Munisipiu sira la iha duni kapasidade ka tanba husi Ministeriu sira seluk hakarak dada hela kompetensia sira nee, nunee labele fo kompetensia ba Prezidente Autoridade Munisipiu sira lolos nee fo ba sala nee ita kurizi nafatin, nunee bele aprende atu tama iha neeba lae ita tinan ba tinan ita kolia kona ba poder lokal maibe ita labele tama iha neeba,” hatete Deputadu Bankada CNRT, Patricinio Fernandes wainhira halo hela audiensia ho Ministeriu Administrasaun Estatal (MAE) ho Prezidente Autoridade Munisipiu sira konaba prposta OJE 2025, iha Parlamentu Nasional, Tersa (22/10/2024).
Nia hatutan, loloos nee governu liu husi Ministeriu Administrasaun Estatal (MAE) tenki fo ona kompetensia tomak ba Prezidente Autoridade Munisipiu sira, atu ezekuta rasik sira nia programa tanba lei iha ona.
(gui)
