DILI, STLTIMORLESTE.com – Tuir Vise Xefe Estadu Maior Jenerál FALINTIL-Forsa Defeza Timor Leste (F-FDTL), Majór Jenerál Calisto Santos “Coliati” apela ba membru F-FDTL sira neebe aumenta postu ida, signifika aumenta tan responsabilidade, laos aumetan dapur.
Nia tenik, Komando F-FDTL halo promosaun diviza ba militar nain 33.
Nia dehan, mudansa kateroria nuudar direitu militar sira nian, maibe promosaun nee nuudar sinal rekonhesimentu ida neebe Komando F-FDTL atribui ba militar sira hodi hakat ba oin.
Vise Xefe Estadu Maior Jenerál F-FDTL, Majór Jenerál Calisto Santos “Coliati” dehan, aumenta postu aumenta responsabilidade boot iha militar sira nia kabaas atu servi intutisaun, servi familia no servisu ba povu no nasaun.
Nia tenik, durante tinan 25 Instutisaun F-FDTL rejista membru sira enfrenta problema barak liu mak problema uma kain.
“Ida nee sinal de rekonhesimentu ida neebe Komando F-FDTL fo ba ita boot sira, katak ita boot sira hetan tan pasu ida hakat ba oin, aumenta postu ida signifika aumenta tan responsabilidade iha ita boot sira nia kabaas, tanba ita nia moris hanesan militar iha 25 anos rezistensia, loron-loron komando espesial ida area justisa neebe hau responsabiliza, tanba probelma boot neebe loron-loron hau hasoru mak problema uma kain, neebe hau apela ba promovidu sira aumeta postu aumenta tan salariu, la signifika katak tenke aumenta tan dapur,” hatete Vise Xefe Estadu Maior Jenerál F-FDTL, Majór Jenerál Calisto Santos “Coliati” ba jornalista sira liu husi nia diskursu iha Kuartel Jeneral Fatuhada Dili, Sesta (13/02/2026).
Nia dehan, halao serimonia promosaun ida nee hanesan kontinuasaun husi Aileu nian too ohin loron neebe mak halo abertura iha Aileu.
“Hau husu ba militar sira neebe mak ohin hetan promosaun ida nee, hanesan sinal rekonhesimentu ida neebe Komando fo ba ita boot sira, katak ita boot sira hakat tan pasu ida, signifika aumenta tan responsabilidade maibe laos atu amentan tan dapur ida ka dapur rua no tolu nee ita ulun moras, nee alin sira neebe hetan promosaun nee orglhu ida ba familia no ba Institusaun para servi ba Intutisaun ida nee no ba povu ida nee,” nia Informa.
Entretantu, Komando FALINTIL-Forsa Defeza Timor Leste (F-FDTL) fo promosaun Postu ba Militár sira neebe remata ona kursu kompostu husi Tenente ba kapitaun nain 2, Alferes ba Tenente nain 1, Sarjentu Ajudadante ba Sarjentu Chefe nain 1, Soldadu ba Cabo nain 24.
(jen)
