DILI, STLTIMORLESTE.com – Comite Paralympic husi Timor Leste (TL), Portugal no Angola realiza reuniaun hamutuk oinsa kolabora hamutuk hodi apoiu mos Comite Paralympic TL.
Liu husi konferensia impresan, Prezidente Paralympic Comite TL, Mateus Lucas ba jornalista sira iha salaun CCD, Tersa nee (22/07/2025) hatete, Comite Paralympic hanesan sidadaun Timor Leste enome Paralympic Nasaun TL orgulhu los tanba primeira vez sai uma nain ba eventu ida nee Paralympic apoiu 100%, primeiru Governu atu nunee eventu nee lao susesu.
Prezidente Paralympic TL hatete, iha enkontru neebe halo ho Paralympic Angola no Portugal koalia ona kona-ba país vizinhu husi CPLP kolabora ho TL atu nunee tulun TL liu husi treinamentu ruma hodi TL forsa liu tan hanesan mos nasaun amigu CPLP seluk.
“Koalia reunian nee mak ita atu kolabora ho nasaun CPLP sira para atu nunee bele asina akordu ida ho nasaun CPLP sira para halo treinamentu kona-ba treinador nomos atleta nomos akordu ida ba asosiasaun neebe iha país CPLP sira, atu nunee TL mos bele partisipa iha neeba,” katak nia.
Nune mos Sekretariu Jeral Paralympic Angola, Antonio Luz hatete, ohin halo enkontru entre país tolu Angola, Portugal no Timor Leste, oinsa tau hanoin hamutuk hodi apoiu mos Comite Paralympic, iha enkontru nee louva inisiativa husi Portugal ba hanoin hodi realiza reuniaun nee.
Nia dehan, kapasidade ema ho defisiensia sira nia abilidade atu mantein responsabilidade atu apoia Paralímpiku promove saida mak ema sira iha kapasidade.
Nia hatete, jogu nee hetan suporta imajen televizaun nian liu husi empreza jornal sira, estasaun radio sira no iha viajen dahuluk, ita realiza katak ida nee posivel,” katak nia.
Nunee mos Jose Manuel Lourenco Prezidente Paralímpiku Portugal hatete, intervensaun husi Sekretariu Jeral Angola nian fo esklaresimentu ba objetivu sira, neebe esensialmente atu servisu hamutuk no inkluzivu, fahe informasaun, fahe esperiensia no saida deit hakarak.
(eme)
