DILI, STLTIMORLESTE.com – Coutry Head Timor Leste (TL), Martin Beattie relata progresu servisu ANZ nia neebe halo iha TL ba Prezidente Republika, Jose Ramos Horta.
Bainhira remata hasoru malu, Coutry Head Timor Leste, Martin Beattie ba jornalista sira iha Palasiu Prezidensial Nikolao Lobato, Bairo Pite, Tersa (29/07/2025) hatete, ohin mai hasoru Prezidente Republika hodi relata progresu ANZ nia neebe mak halo iha Timor Leste ba Xefe Estadu.
“Enkontru ohin nee mai komprimenta depois halo introdusaun ba Prezidente Republika, aumezmu tempu hatoo mos ami nia progresu servisu neebe durante nee ami halao iha Timor Leste,” dehan Coutry Head Timor Leste, Martin.
Nia hatutan, mai relata mos ba Prezidente Republika kona-ba asuntu komersiu no koperasaun institusional neebe mak ANZ halo iha Timor Leste ba Xefe Estadu.
“Ohin koalia mos asuntu negosiu neebe ami halao haree liu ba asuntu komersial koperasaun institusional ida nee mak koalia barak liu ami nia negosiu plataforma aumesmo tempu hatoo ba Prezidente konaba ami nia programa ida neebe haleu iha Timor eduka ita nia ema populasaun sira neebe mak presiza liu liu ita nia empregador sira neebe mak hetan ona serbisu atu ba serbisu iha rai liur entau sira tenke hetan uluk formasaun husi banku ANZ liu husi programa finasia oinsa mak sira molok too iha neeba osan neebe mak hetan bele halo planu didiak labele naran gasta arbiru,” katak nia.
Aleinde nee, bainhira remata ona sira nia servisu kontratu iha neeba sira fila fali mai Timor lori osan depois fo tan nasaun ida negosiu nia nunee osan nebee mak sira hetan bele halo fali negosiu.
Update mos kona-ba Banku ANZ laos kleur maibe ba bebeik laos iha Timor deit maibe iha mos nasaun seluk tanba nia prezensa laos iha TL maibe iha pasifiku, Eropa. No iha komitmentu mai iha TL.
“Ami nia kliente labarak hanesan banku sira seluk maibe ho kliente neebe mak tuan maibe halo movimentu neebe makaas, no kliente laos iha Timor deit maibe office mos fransa no nasaun seluk.
Prezidente Republika Jose Ramos Horta mos hatoo ba ANZ katak, daudaun nee movimentu infraestrutura laos makas tanba nee husu ANZ apar hela situasaun se bainhira konstraktor ka investor balun presiza hela ANZ nia suporta tenke prontu.
Prezidente mos husu atividade neebe mak ANZ halo iha Timor Leste husu kontinua nafatin oinsa atu eduka ema sai ema.
(eme)
