DILI, STLTIMORLESTE.com – Credit Union Lanamona (CUL) realiza Asembleia Jeral ba dala XVII, ho tema Moris ho Responsabilidade Garante Sustentabilidade ba iha Ekonomia Familia”.
“Ohin ita hamutuk iha fatin ida nee hodi realiza Asembleia Jeral tinan fiskal hodi diskute moris ho Responsabilidade Garante Sustentabilidade atu kontribui ba dezenvolvimentu TL liu husi hadia ekonomia rural neineik ba beibeik, agora daudaun ita funu hasoru kiak no mukit,” hatete Prezidente Credit Union Lanamona, Domingas dos Santos ba jornalista sira iha salaun 3 Marsu Maubai CCLN, Komoro, Sesta nee (23/05/2025).
Oinsa ita nia kontribuisaun ba nasaun ho servisu hamutuk ho komitmentu hadia diak liu tan sistema servisu ida katak, badinas alkansa mehi iha futuru.
Tanba kada tinan ami sempre realiza asembleia jeral ho nain ba kooperativa ho membru sira iha dever hatene osan hira mak sai no osan hira mak tama no membru hira mak sai no membru hira mak tama.
Membru Lanamona hamutuk rihun rua atus neen, maibe membru ativu lo-loos rihun ida atus lima tolu nulu resin tolu, mai husi Munisipiu Bobonaro, Ermera, Dili, Aileu, maibe munisipiu sira seluk sei kontinua maibe neineik sei kobre hotu, tan nee prepara ona ba halo asembleia jeral iha Munisipiu Manatuto, Manufahi, maibe seidauk estabelese sentru sukursal iha munisipiu rua nee, depois asembleia halo avalisaun, tanba laiha fundu inklui ekipamentu no rekursus umanu.
Tanba tinan nee sei konsentra ba fasilita formasaun no sosializaun hodi hetan membrus tanba mehi tama iha teritorial TL hodi dezenvolve ekonomia, nunee bele dehan lakon nakukun mosu naroman.
(joa)
