OECUSSE, STLTIMORLESTE.com – Ministeriu Saude (MS) servisu hamutuk ho Instituisaun Nasional Kombate HIV-SIDA (INCSIDA), husu komunidade sira teste raan, atu nunee bele hatene status virus HIV.
Prezidente INSIDA, Daniel Marcal dehan, inan-aman ho joven sira tenke teste ran hodi hatene moras HIV, sei teste ran maka positivu HIV, labele tauk tenke ba fasilidade saude hodi halo tratamentu hodi hemu aimoruk ARV.
“Daudaun nee ita bele halo teste ran hodi hatene status HIV, sei ita lakohi teste ran nee ita lahatene,” hatete nia ba jornalista sira Suku Taiboco, Regiaun Administrative Especial Oe-Cusse Ambeno, Sub-Regiaun Pante Macassar, Kinta (25/09/2025).
Nia katak, aimoruk laiha atu kura HIV, maibe hemu aimoruk hodi halo pervensaun. Bainhira lakohi kona HIV- SIDA tenke teste ran.
Jornalista: Jeniche da Costa
Editora: Domingas Gomes
