DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) atualiza ona dadus defisiensia husi Eskola Baziku Filial no Ensinu Baziku Sentral hamutuk 2,460 asesu ona edukasaun formal.
Diretor DNEIASE, Fernando Soares dehan, defisiensia 2,460 nee Ministeriu Edukasaun halo atualizasaun dadus iha ensinu Baziku Filial no Ensinu Baziku Sentral, numeru ida nee mak defisiensia sira asesu ona ba iha edukasaun formal, nee kobre iha Munisipiu 8.
“Dadus defisiensia neebe ita asesu ona iha edukasaun formal nee hamutuk 2,460. Nee ita foin atualiza iha EBF no EBC, nee seidauk iha pre eskolar, ensinu sekundariu no tekvo seidauk, depois mak ita foin kobre iha MunisÃpiu 8. Dadus neebe ohin mensiona nee ita atualiza hahu husi 2024 too mai ohin loron 2025,” informa nia ba STL, Kuarta (29/10/2025).
Nia katak, konaba atu atualiza dadus defisiensia iha nibel sekundariu no tekvo nee too agora sira seidauk halao, no sei iha prosesu nian laran, tanba presiza atualiza dadus iha nibel eskola rua neebe ohin temi ona.
Iha fatin seluk, Diretor Ezekutivu ADTL, Cesario da Silva antes nee dehan, defisiensia sempre asesu ba iha edukasaun formal, nee tantu husi nibel ensinu baziku too iha nibel ensinu superior, tanba sira hakarak asesu ba edukasaun hanesan ho sira nian maluk sira seluk.
Jornalista: Jacinta Sequeira
Editora: Domingas Gomes
