DILI, STLTIMORLESTE.com – Delegasaun husi Moçambique neebe akompanha husi Embaixador Timor Leste ba Xina, Loro Horta halo enkontru kortejia ho Prezidente Republika (PR) Jose Ramos Horta.
Bainhira remata hasoru malu, Embaixador Timor Leste ba Xina, Loro Horta ba jornalista iha Palasiu Prezidensial Nicolau Lobato, Bairo Pite, Kuarta (11/02/2026) hatete, delegasaun vizita Prezidente hodi koalia area fundamental Cyber Security dijitalizasaun informatika, tanba agora daudaun Governu nia prioridade halo dijitalizasaun ba Governu no Ministeriu. Entaun kompanhia Moçambique iha esperiensia barak projetu iha Cabo-verde Guine Bissau, Portugal,
Embaixador dehan nuudar embaixador TL ba Xina maibe mai Timor lisensa ferias no sira neebe mai nuudar kolega primaria, tanba embaixador moris iha Moçambique.
“Hau husu lisensa ba Ministru Bendito, hau mai Timor akompanha hau nia kolega maibe area prinsipal mak informatika Center Cyber security hanesan seguransa area internet ingovernament, no kolega sira mai Timor haree posiblidade para bele kolabora ho Governu Timor,” dehan nia.
Embaixador argumenta tan katak, iha emprezariu barak mai Timor maibe buka kontratu laiha osan halo investimentu direitu.
Nia dehan, nia laos ajuda kompanhia Xina manan kontratu ida nee, laos embaixador nia servisu, kompanhia Xina manan kontratu responsabilidade Embaixada Xina iha Dili, konseleiru komersial embaixada iha Dili.
Kompanhia Xina iha osan kapital hakarak halo investimentu direita iha Timor, entau klaru embaixador nia responsabilidade nee fasilita, nia kolega iha Moçambique iha osan halo investimentu ida nee kolabora hamutuk ho Governu.
“Hau vizita privada vizita hau nia familia aproveita akompanha hau nia kolega durante hamutuk iha Moçambique,” katak nia.
“Delegasaun Moçambique Tersa horiseik hasoru malu ona ho Ministru Gastão Sousa nomos Ministru Agrikultura Marcos inklui Primeiru Ministru Mariano Asanami, nomos Visi Ministru komersiu Augosto Junior, agora mai vizita Prezidente nee vizita kortejia, maibe Prezidente esplika planu estratejiku Timor, maibe responsabilidade ezekusaun ezekutivu nee Governu so mai vizita kortejia,” katak nia.
Iha hasoru malu nee diskute espesifiku konaba saida? Hatan ba kestaun nee Embaixador dehan, delegasaun nee iha intrese esplora area ingovermant, Timor Leste agora sai membru ASEAN entau iha nesesidade atu halo dijitalizasaun ba ministeriu no universidade, tanba Timor iha pasaporte, bilhete identidade, karta kondusaun no kartaun eleitor.
“Ekipa iha posibilidade halo kolaborasaun ho Governu Timor apoiu Timor area dijitalizasaun setor publiku nomos ekonomia, enkontru nee oras ida ho balun koalia barak liu kestaun pesoal privada tanba hau moris Moçambique, tanba nee Prezidente konhese hau nia kolega sei labarik, iha hasoru koalia kestaun ofisial maibe koalia mos kestaun pesoal barak,” katak nia.
Hakarak investe area dijitalizasaun nee bainhira mak implementa, hatan ba kestaun nee Embaixador hatete, agora kompanhia ba halo proposta ba Governu depois ba Konselhu Ministru, karik implementasaun bele hahu iha 2027, maibe depende ba Konselhu Ministru.
(eme)
