DILI, STLTIMORLESTE.com – Prezidente Tribunal Rekursu (PTR), Deolindo dos Santos hatete, nia disponivel atu parte relevante halao auditoria ba servisu Tribunal nian.
“Ida nee hau lakohi fo komentariu beibeik ona, tanba saida, uluk hau halo ona pedidu mai Parlamentu Nasional, buat nee hau halo hotu ona mais por enkuantu buat nee seidauk akontese, maibe hau dezde inisiu hau manifesta katak desponivel 100% atu halo auditoria ba Tribunal,” dehan PTR, Deolindo dos Santos ba jornalista sira iha resintu Parlamentu Nasional, Dili, Kuarta (05/02/2025).
Nia hatutan, maske laiha auditoria ba servisu Tribunal, maibe Governante nee garante katak servisu Tribunal lao tuir lei haruka, no ezekusaun orsamentu ba servisu tuir programa ka servisu neebe iha, tanba nee laiha problema ruma ka kazu korupsaun ruma iha tribunal nia servisu durante nee.
“Hau disponivel dala ida tan katak, dezde inisiu ate agora pelumenus hau bele sura katak iha Tribunal ami la halo ajeneiras, dala ida tan iha tribunal ami la halo ajeneiras no kuandu bainhira ita halo buat sira nee para instituisaun seluk kumpri nia obrigasaun legal ita mos tenke halo detalforma para kumpri ita nia obrigasaun legal,” deklara Deolindo.
(alb)
