DILI, STLTIMORLESTE.com – Deputadu Bankada Kongresu Nasional Rekunstrusaun Timorense (CNRT), Jose Virgilio husu deskulpa ba publiku relasiona dezentendimentu entre nia ho Deputadu Bankada FRETILIN, Florentino Ximenes, neebe akontese iha semana rua liu ba iha Parlamentu Nasional.
“Iha nee hau mos hakarak hatoo baut balun neebe mak akontese iha semana rua liu ba nee, karik atan hau mak sala hau husu deskulpa ba publiku no ba povu Timor Leste tomak,” hatete Deputadu Jose Virgilio liu husi plenaria iha Parlamentu Nasional, Tersa nee (17/12/2024).
Nia hatutan, dezentendimentu neebe akontese iha Parlamentu Nasional nee sai ema hotu nia preokupasaun, tanba nee nia espera katak iha futuru wainhira mosu diskusaun entre deputadu sira diak liu diskuti deit iha sala plenaria, labele lori sai ba liur.
“Dezentendimentu neebe sai viral nee hau mos agradese ba jornalista sira neebe uza telefone halo video hodi espalha ba publiku, nunee ba oin karik mosu dezentendimentu ruma diak liu deputadu sira diskuti malu deit iha sala plenaria no labele lori sai ba liur,” dehan nia.
(alb)
