DILI, STLTIMORLESTE.com – Tribunal deside hodi la estradita Arnolfo Teves, tanba nee husi parte Governu nia sei buka meius hodi esplika argumentu no razaun sira kona-ba desizaun nee ba iha Filipina.
Tuir Ministru Justisa, Sergio Hornai katak, ita iha orgaun haat no iha separasaun poder, iha oragun Prezidensia Republika, Parlamentu Nasional, Governu no mos orgaun Judisiariu, hanesan hau adianta tiha ona em prinsipiu ita hakarak halo kooperasaun bilateral no multilateralmente haree ba iha sirkunstansia sira neebe mosu.
“Kazu neebe sentensa difinitiva husi Tribunal, kazu Arnolfo Teves nian, ita nia orgaun Judisial Timor Leste desedidu la halo estradisaun ba fujitivu ka estraditadu ba Arnolfo Teves, em primeiru lugar hanesan Governu tenke respeitu, ita tenta esplika argumentu hotu no razaun hotu ba iha ita nia nasaun amigu hanesan Filipina atu sira mos respeita ita nia soberania,” dehan Ministru Justisa ba jornalista sira iha Kaikoli, Dili, Kinta (27/03/2024).
Nia hatutan, hanesan Estadu iha prinsipiu resepriosidade bele troka iha informasaun balu, bele matrealiza troka informasaun ruma iha materia konkretu, depende iha kompatibilidade neebe la fo efeitu ba iha desizaun orgaun sobernia nian.
Tanba estrura Ministeriu Justisa no Poliitka Ministeriu Justisa hamutuk PSIK halo, hanesan forma ida atu bele servisu neebe iha, hanesan personalidade pesoal neebe servisu iha area sira neebe kompleksu bele troka informasaun, buka hatene atu tulun Governu nia pozisaun iha situasaun sira neebe haree kuandu la fo benefisiu ba ita, nunee ita iha kontaktu ho Ministeriu Negosiu Timor Leste nian liu husi Embaixada Timor Leste neebe ita estabelese iha Filipina, iha Filipina sira troka informasaun hanesan Estadu rua no Governu rua entre Governu Autoridade Filipina no autoridade Timor Leste liu husi ita nia Embaixada iha Filipina, sira buka entende. Tanba ita respeitu mutua kada Estadu iha nia soberania iha nia desizaun, maibe labele halo perturba hakotu tiha fo kauza ba nia relasaun neebe nasaun rua dezenvolve iha Estadu rua nee nian,” hatete governante nee.
(ter)
