DILI, STLTIMORLESTE.com – Tribunal Judisial Primeira Instansia Dili (TJPID) halao prosesu primeiru interogatoriu ba arguidu ho inisial VdG.
Arguidu lori mai iha Tribunal, tanba Ministeriu Publiku (MP) promove ho krime koasaun seksual neebe previstu iha artigu 171 husi Kodigu Penal, hasoru lezada minoridade.
Iha prosesu Primeiru Interogatoriu nee, liu husi despaisu ikus, Tribunal deside hodi aplika medida koasaun Prizaun preventiva ba arguidu VdG.
Antes nee iha alegasaun MP reprezenta husi Prokurador Nelson Magno, husu Tribunal aplika medida koasaun Prizaun preventiva ba arguidu, tanba konsidera iha indisiu sufisiente. Maibe parte defeza husu Tribunal atu aplika medida neebe mais adekuadu.
Maibe Tribunal afavor ba alegasaun Ministeriu Publiku nia, hodi aplika medida koasaun Prizaun preventiva ba arguidu, hodi asegura prosesu investigasaun neebe sei lao hela.
Prosesu nee prezide husi Juiza Ana Paula Fonseca, MP reprezenta husi Prokurador Nelson Magno no arguidu hetan asistensia legal husi Defensor Publiku nain ida no Advogadu privadu nain ida.
Tuir kronojia katak, kazu nee akontese iha loron 11 fulan Marsu, tanba nee ikus mai prosesu lori ba iha Tribunal.
(ter)
