DILI, STLTIMORLESTE.com – Tribunal Judisial Primeira Instansia Dili halao prosesu primeiru interogatoriu ba arguidu nain rua (2) ho inisial MDAS no SUA sidadaun Bangladesh.
Arguidu sira lori mai iha Tribunal, Ministeriu publiku promove sira ho krimi trafiku pessoas iha artigu 163 husi Kodigu Penal no artigu 2 artigu 34 husi lei numeru 3/2017.
Tribunal liu husi Juiza turnu Ersilia de Jesus halo tiha identifikasaun ba arguidu nain rua, no ikus mai passa ba iha faze alegasaun.
Iha alegasaun nee Prokurador Matias Soares konsidera iha indisus, tanba nee husu ba iha Tribunal atu aplika medida Prizaun Preventiva ba iha arguidu nain rua.
Enkuantu husi parte defeza nian husu Tribunal atu aplika medida Termo Indentidade Rezidensia (TIR) no deportasaun ba arguidu nain rua.
Rona tiha alegasaun nee, Tribunal adia ba loron Sesta hodi rona despaisu husi Tribunal.
Prosesu nee prezide husi Juiz turnu Ersilia de Jesus, Ministeriu Publiku reprezenta husi Prokurador Matias Soares, arguidu nain rua hetan asistensia legal husi Defensor Publiku nain ida.
Jornalista: Terezinha De Deus
Editor: Xisto Mendonça
