AMBENO, STLTIMORLESTE.com – Deskonfia Membru FALINTIL – Forsa Defeza Timor Leste (F-FDTL) ida ho naran Reinaldo Ximenes tiru aan iha Postu Komponente Naval F-FDTL Oebau Kapital Oekusi, Tersa nee (10/06/2025).
Akontesimentu nee iha dadersan tuku 9:30 OTL, Komandante Komponente Naval F-FDTL, Komodoro Igino das Neves too kedan fatin Postu Naval F-FDTL, Postu Komponente Naval F-FDTL Oebau Tasi ibun Oebau Kapital Oekusi ho ekipa mediku sira neebe lidera husi Diretor Rejional Saude Oekusi, Manuel da Cunha.
Liu menutu balun deit Ekipa Komando Polisia Nasional Timor Leste (PNTL) Rejional Oekusi too kedan fatin hodi halo investigasaun no monta kedan Polisia Line iha fatin akontesimentu.
Tuir informasaun neebe STL konfirma ho fontes balun neebe lakohi temi naran katak, membru F-FDTL nee hetan kanek iha parte kakorok borus iha ninia ulun.
Too notisia nee hatun, STL seidauk hetan konfirmasaun klaru kona-ba akontesimentu nee, tanba polisia investigasaun sei halao hela servisu.
(jos)
