DILI, STLTIMORLESTE.com – Tribunal Judisial Primeira Instansia Dili (TJPID) liu husi despaisu ikus ba prosesu primeiru interogatoriu, deside aplika medida Aprezentaun Periodika no Termu Indentidade Rezidensia (TIR) ba arguidu ho inisial T.
Arguidu lori mai iha Tribunal, husi parte Ministeriu Publiku nian (MP) promove ho krime Furtu Agravdu no Danu.
Tribunal halo tiha indentifikasaun ba arguidu, ikus mai deside tama ba iha alegasaun.
Iha alegasaun husi parte Ministeriu Publiku nian husu Tribunal atu aplika medida Prizaun Preventiva ba arguidu. Enkuantu husi parte defeza husi Tribunal atu aplika medida TIR no AP.
Rona tiha alegasaun, ikus mai Juiz estajiadu deside aplika medida rua ba iha arguidu, medida Aprezentasaun Periodika no medida Termo Indentidade Rezidensia (TIR).
“Iha despaisu Tribunal deside aplika medida Termu Indentidade Rezidensia (TIR) no medida Aprezentasaun Periodika (AP),” dehan Defensor Publiku, Jose da Silva ba jornalista sira iha Tribunal Dili, Kinta (19/02/2026).
Nia hatutan, hanesan defeza aseita ho medida nebe Tribubal aplika, atu asegura arguidu ba iha prosesu investigasaun.
Tuir kronolojia katak, autoridade seguransa detein arguidu iha loron 16 fulan Fevereru tinan 2026 iha Vela Verde, tanba deskonfia selok ema nia odamatan tama ba foti sasan iha uma laran, liu-liu ba meza neebe iha.
Prosesu primeiru interogatoriu nee prezide husi Juiz estajiadu Cipriano da Fatima Sarmento, Ministeriu Publiku reprezenta husi Prokurador Napoliao Soares da Silva, no arguidu hetan asistensia legal husi Defensor Publiku Jose da Silva.
(ter)
