DILI, STLTIMORLESTE.com – Dezembru tinan nee Aero Dili ho bandeira Timor Leste sei semo Dili Australia, semana ida semo dala rua.
Liafuan nee hatoo husi CEO Aero Dili, Lourenco de Oliveira ba jornalista bainhira remata halo enkontru ho Prezidente Republika Jose Ramos Horta, iha palasiu Prezidensial Nicolao Lobato, Bairo Pite, Segunda (22/09/2025).
Nia dehan, Governu aviasaun Australia aprova hotu ona, neebe Dezembru nee bele semo ona.
“Governu aviasaun iha Australia aprova tiha ona, neebe Dezembru ita semo iha neeba fatin rua, ita semo ba Melbourn no Darwin, ita uza aviaun rua Aero Dili,” katak nia.
Nain ba Aero Dili nee hatete, Aero Dili semo husi Timor ba Xina dader no lokraik, fila fali mai Timor Leste, se sai lokraik sai fali dader.
“Ita semo ba Australia hanesan mos ita ba Xina, ita sai dader lokraik sai fali mai, liu liu ba Melbourn se ba Darwin ba fila kedas tanba besik,” katak nia.
Nia hatutan, e too agora seidauk iha KAK ka polisia investigasaun ruma ka seidauk mai atu haree AERO Dili nia serbisu, se hakarak mai cek, bele ba cek tanba odamatan Aeroporto nakloke.
Jornalista: Joseph Koa
Editora: Domingas Gomes
