DILI, STLTIMORLESTE.com – Ministeriu Solidaridade Sosial no Inkluzaun ( MSSI) sei halo pagamentu ba Bolsa da Mãe kondisional ba faze segundu nian iha dia 2 Dezembru tinan nee.
Hatete Ministra MSSI, Verônica das Dores ba jornalista sira liu husi konferensia imprensa iha salaun MSSI, Tersa (26/11/2024).
“Ita nia benefisiariu ba pagamentu faze segundu nian hamutuk 14,008, husi total 7,350, ho orsamentu US$ 1,431,756,” nia esplika.
Nia dehan, pagamentu hahu iha Suku, Munisipiu sira, inklui mos ba Munisipiu Vikeke, Dili no Zona Espesial Atauro, inklui mos ba benefisiariu hirak neebe hasoru problema iha pagamentu faze primeiru nian husi Munisipiu 11.
Nia deklara, familia, inan-aman uza osan nee ba oan sira nia nesesidade eskolar, oan sira tenke eskola no tenke remata eskola, liu-liu remata ensinu sekundária.
Iha fatin hanesan, Komunidade Suku Comoro, Maria José Pereira dehan, bolsa da mãe kondisional nee ajuda tebes oan sira nia nesesidade eskolar nian, tanba nee husu governu kontinua halao planu ho diak.
(jen)
