DILI, STLTIMORLESTE.com – Setor agrikultura mak sai baze importante ba ema hotu, hodi bele garantia sustentabilidade ekonomia Timor Leste nian, maibe haree ba dezenvolvimentu setor agrikultura hakdasak hela, tanba Governu laiha seriedade atu investe iha setor refere.
Liafuan nee haktuir husi Eis Dekanu Fakuldade Agrikultura, Universidade Oriental Timor Lorosae (UNITAL), Heribertus A. Colo ba STL iha Bekora, Sesta (19/09/2025).
Nia dehan, aetoragrikultura hanesan setor primadona husi TL, tanba setor ida nee bele garantia sustentabilidade ba ekonomia TL nian.
“Wainhira ita hare dezebvolvimentu setor agrikultura agora ita bele dehan hakdasak, tanba ita laiha seriedade atu dezenvolve, liu-liu parte Governu atu investe iha setor refere,” hatete nia.
Nia dehan, dezenvolvimentu iha setor agrikultura hakdasak, tanba estadu no governu sira nunka mais hare perioridade iha setor ida nee nian, tanba iha nasaun barak wainhira sira hahú prosesu dezenvolvimentu setor importante neebe hahu mak setor agrikultura.
Tur nia, setor agrikultura bele garantia, oinsa sustentabilidade ekonomia iha nasaun laran nee, oinsa hasai moris povu nian setor ekonomia nee, tanba liu husi produsaun neebé agrikultura hetan bele garantia sira nia moris diak.
Nia dehan, OJE 2025 hetan deit 2,2% ba setor infraestrutura dezenvolvimentu agrikultura nian, ho orsamentu ida nee bele dehan seiidauk too metas ida para garantia siguransa produsaun iha setor agrikultura nian, maibe ezije nafatin ba estadu no governu ida nee ba OJE 2026 persiza periodade investimentu neebe boot ba iha seitor agrikultura, atu nunee too tempu ida sai nasaun neebe independensia iha produsaun agrikultura no redus importasaun.
Nia dehan, agrikultor sira agora sei uza sistema tradisonal halo natar toos labele garantia ba produsaun neebé mak efisiensia no efikas, signifika katak produsaun neebe iha so atu responde deit aihan loron-loron nian, maibe atu produsaun boot tau ba iha area merkadu negosiu seluk nunka mais atu hetan, tanba produsaun neebe produs limitadu tebes.
Jornalista: Joaninha Belo
Editora: Domingas Gomes
