DILI, STLTIMORLESTE.com – Ministeriu Justisa (MJ) liu husi Diresaun Jeral Terras Propriedade (DGTP) organiza atividade serimonia lansamentu no distribuisaun ekipamentu informatika no utilizasaun ba demonstrasaun ekipamentu sukat rai drone.
“Sira presiza iha ekipamentus ida naton hodi apoiu sira nia servisu, konhesimentu teknika oinsa atu haree kona-ba pontu sira neebe estabelese ona,” dehan Ministru Justisa, Sergio Hornai ba jornalista sira iha Kolmera, Dili, Sesta (14/02/2025).
Governante nee hatutan, ekipa sira nee atu halo nia konektividade kuandu halao servisu operasional sira, no servisu ida nee tekniku liu, servisu balu lao hela, ho ekipamentus nee atu superfisia atu halo levantamentu ba iha baliza, no pontu sira nee hotu atu bele introdus ba iha rejistu prediais nian.
Iha fatin hanesan, Diretor Jeral Terras Propredade, Lucas Antonio da Costa dehan, orsamentu neebe iha sosa ekipamentus hodi apoiu servisu tekniku sira nian.
“Ita tau orsamentu no Parlamentu Naisonal aprova osan nee ita halo gastu atu sosa ekipamentus informatika,” dehan nia.
(ter)
