DILI, STLTIMORLESTE.com – Jesus hanorin ema atu hakneak no adora Maromak, duke adora sasan mundu nian neebe provizoria deit, mate sei la lori, maibe prepara aan ho fuan moos atu moris rohan laek iha tempu ikus.
Lia hirak nee hatoo husi Padre Selebrante, Manuel Pinto SDB liu husi nia omilia iha Kapelina Kristal Domingu (22/02/2026) hatete, iha ema nia moris nee iha doalismo de vida, esperitual no fizika, dala barak ema nia preferensia nee mak isin material, sasan mundu nia neebe bele fo kbiit ba poder fizika ba isin dukue tau matan ba klamar liu husi aihan esperitual liu husi nain Maromak nia liafuan sira.
Jesus mos iha diabu nia oin hakarak dehan ba ema katak so nain Maromak deit mak iha poder absoluta, nain Maromak deit maki ha kbiit ba buat hotu, ema tenke kbiit no forsa iha nain Maromak deit, tanba nain Maromak mak fo vida, no nain Maromak fo kbiit atu halao moris nee, maibe dala barak ema prefere tau komfiansa ba aan.
“Maibe dala barak ita prefere tau komfiansa ba ita nia aan no tau komfiansa iha ita nia kbiit ba jundu temporariu, ita tau ita nia kbiit ita nia forsa ba iha pozisaun mundu nia dukue iha nain Maromak neebe nia kbiit nee duradoira, nia kbiit nee Salvadora nia kbiit nee omniponitente liu buat hotu iha mundu ida nee,” dehan Padre.
Jesus fo hanoin katak tenke hakneak ba ida neebe merese atu hakneak ba, ida neebe mak tenke adora laos buat mundu nia nain Maromak deit.
“Sai husi oin Satanas Maromak deit mak o hakneak, Maromak deit mak o hakneak biar o fo buat hotu iha mundu ida nee rikusoin mundu ida nee nia maibe ida neebe importante liu, ida nee hau tenke hadomi ida neebe hau tenke adora mak Nain Maromak deit, “ dehan Padre.
Padre dehan saun Paulo ohin halo rejumu oan ida konaba ema nia situasaun, ho adaun no eva nia desobidensia halo ema hotu monu ba rai kuak pekadu no mate, ho adaun no Eva ninia hakarak neebe lamonu ba nain Maromak nia fuan halo ema hotu simu nia konsikuensia, maibe ho Novu adaun ho Jesus nia obidensia ho Jesus nia preferensia halo ema hotu fila ba Nain Maromak nia grasa, no fila ba moris neebe los.
“Neebe Nain Maromak ladehan o monu ona o halo sala ona o des obedese ona o han o nia masin, Nain Maromak nunka dehan hanesan ita ema neebe dehan ba malu, Nain Maromak buka halo oinsa hasai ita husi ita nia sala hasai ita husi rai kuak mate nia hasai ita husi ita nia hahalok aat sira, ha tempu kuaresma ida nee mak tempu neebe favoravel no oportunu mai ita neebe nain Maromak fo mai ita atu ita sai husi ita nia hahalok aat sira ita nia des obidese ita nia failansu sira, ita nia dook husi nain Maromak atu ita fila fali ba nia atu ita moris fali ho nain Maromak nia grasa atu ita hetan fila fali ita nia dignidade nuudar nain Maromak nia oan mane no nain Maromak nia oan feto,” dehan Padre.
Padre dehan ida nee mak nain Maromak nia diak susar ema atu komprende, maibe nain Maromak liu husi nia domin tomak nia diak tomak nia la abandona ema, la fila kotuk ema nia frakeza failansu no monu maibe nain Maromak sempre tutuir deit atu lori ema fila ba Maromak.
(eme)
