DILI, STLTIMORLESTE.com – Direitu feto nee importante liu iha uma laran, tanba husi feto bele haburas jerasaun no hadia familia nia moris ho dignu.
“Ita haree iha situasaun atual, feto sempre sai vitima, baku husi nia familia uma laran, oho husi nia laen, signifika feto nia direitu hanesan inan ida iha uma laran nee lakon, tanba nee dignifika feto nia direitu liu buat hotu-hotu, liu-liu iha uma laran,” dehan Akademika husi Universidade Nasional Timor Lorosa’e (UNTL), area Filojofia, Eujenia Baptista Soares ba jornalista sira iha Liceu, Dili, Segunda (21/10/2024).
Tuir akademika nee katak, feto nia direitu hanesan hahan neebe bele fo nutrisaun ba familia neebe iha, tanba feto mak haburas jerasaun familia ida sai moris ho pas nia laran, tanba nee dignifika feto. Tan ne’e, feto hanesan parseira importante ida iha mane sira nia knosan sorin.
Tanba bazeia ba realidade sira neebe iha katak, kazu barak iha orgaun judisiariu ka Ministeriu Publiku (MP), nee problema barak liu mak kazu baku feto, tuku, tebe, oho feto mak barak liu, entaun hanesan parte relevante sira, hanesan Sekretariu Estadu Ingualidade no Inkluzaun, hamutuk ho orgaun tutelada sira, tenke fortifika direitu feto nian iha sosiedade.
(EST 1)
