DILI, STLTIMORLESTE.com – Relasiona ho ezistensia Igreja Katolika Karismatiku Timor Leste (ICCTL) neebe oras nee sai viral iha media sosial, Diretor Rejistu Notariadu konsidera organizasaun nia atividade ilegal, tanba seidauk rejistu iha Notariadu.
“Defaktu organizasaun ICCTL nee seidauk rejistu, neebe sira nia atividade nee ilegal,” dehan Diretor Rejistu Notariadu,” dehan Diretor Rejistu Notariadu, Agustinho Gonsalves Viera ba STL iha Mandarin, Dili, Kuarta (09/04/2025).
Nia hatutan, sira viola lei, seidauk rejista ba halo tiha atividade ona, nee komete krimi, tanba seidauk rejistu sira ba halo ona deklarasaun iha publiku nee sira komete krimi.
No tuir regra sira tenke ba rejistu iha Notariadu, agora sira seidauk rejista, atu aprova sira nia naran bele ka lae, sira ba halo deklaraaun uluk komete krimi no ilegal.
Atu rejistu tenke tuir rekezitus neebe iha, laos naran ba rejistu deit, se atu rejistu naran laloos labele rejistu, atu rejistu tenke kria sira nia biblia rasik no estatutu rasik, se sira nia biblia rasik la iha labele rejistu, tanba labele uza fali biblia Katoliku nian hodi rejistu.
Konsidera sira nia atividade ilegal kontra lei, tanba organizasaun nee seidauk rejistu, no krimi ba sira mak harii organizasaun sem rejistu, seidauk harii kontra dekretu lei numeru 5/2005 neebe koalia kona-ba rejistu Asosiasaun Fundasaun sira, seidauk rejista halo uluk ona deklarasaun, tanba nee konsidera sira nia naran aprova ka lae, se la aprova sira labele rejistu. No naran neebe hanesan labele rejistu. Ezemplu naran Katolika ita iha ona, tenke troka fali naran seluk.
Iha fatin ketak, Akademiku Universidade Nasional Timor Lorosae (UNTL), Sebastião dos Santos dehan, atu halao atividade ida tenke tuir regra neebe iha.
“Atu halao atividade ida tenke hakruk ba regra neebe iha, tanba ema hotu moris iha lei nia okos,” dehan nia.
(jen)
