DILI, STLTIMORLESTE.com – Ohin Dili Institute Of Tehnology (DIT) halao serimonia Graduasaun Lisensiatura ba dala 21 hamutuk Graduadu 248 ho Mestradu ba dala VIII hamutuk Graduadu nain 6 no Komemorasaun Solene Dies Natalis ba dala XXIII iha Salaun OKA, Surikmas Dili, Sabadu (10/05/2025).
Tuir lisan Timor nia, ho dansa Foensae Timor nian sei loke dalan hodi simu Graduadu sira, tama iha fatin serimonia.
Tema ba serimonia Graduasaun nee mak dezenvolve Ensino Superior liu husi Transformasaun Dijital ho internasionalizasaun baze ba fiar, etika moral no kultura.
Entrada Senadu Akademiku tuir lisan Timor nian, tebe day loke dalan hodi simu Senadu Akademiku ba Fatin Serimonia, kompostu husi membru Konselhu Doutores DIT, Magnifiku Rektor, Salustiano dos Reis Piedade, Prezidente Konselhu Permanente DIT, Estanislao Sousa Saldanha, Prezidente Konselhu Fiskal, Paulo Assis no fundadores, Dekanu Fakuldade no Dosente sira.
Hafoin ida nee, kontinua kanta Gaudeimos, orasaun neebe prezide husi Madre Ana Maria, Hino Nasional Timor Leste (TL), munutu 1 silensiu neebe prezide husi Rektor DIT, Salustiano dos Reis Piedade, kanta inu instituisaun DIT, Abertura Reuniaun Estraordinariu Senadu Akademiku husi Magnifiku Reitor DIT, aprezenta ba publiku Serimonia Solene Graduasaun Hahu husi Master Business Administration kompostu husi Graduadu ema nain 6, no Lisensiatura hamutuk 248 resin.
Retor DIT, Salustiano dehan, ho Nai Maromak nia bensaun liu husi Nain Feto Nossa Senhora da Grasa, Padroera DIT nia tulun.
“Ita hetan kbiit, tanba nee mai ita hamutuk agradese ba Nai Maromak no matebian sira neebe fo sira nia moris tomak atu rai ida nee hodi hetan liberdade no tulun Ita atu halo kreatividade ho inovasaun, hau loke reuniaun Estraordinariu Senadu Akademiku DIT, ho ajenda Graduasaun Solene ba finalista lisensiatura no mestradu no deklara serimonia nee nakloke ba publiku, nunee huu Karau Dukur.
Hafoin ida nee, lee Despaixu Ministerial nian husi Diretor Administrasaun Akademika no Kurrikulu, Eduardo Vong no hahu serimonia formal Graduadu Primeira parte husi pos-graduasaun nian ba grau akademiku no entrega diploma mestradu iha Administrasaun no Negosiu ka Master of Bussiness Administration (MBA) hamutuk nain 6.
Hafoin ida nee, hahu entrega Diploma ba Lisensiatura sira hamutuk 248 kompostu husi eskola superior Enjenharia no Siensia, Estudu Petrolifeirus.
Iha biban nee, Orasio Sapiente husi Profesor Augusty Ferdinand ho tema, Dezenvolve Kualidade ensino Superior Liu husi Transformasaun Dijital ho Internasionalizasaun baze ba fiar, Etika, Moral no kultura.
Iha biban nee, liu husi deskursu Rektor DIT, Salustiano dos Reis Piedade, Sente kontente no orgulhu iha ambitu Selebrasaun Dies Natalis DIT ba Dala 23, halao Graduasaun ba Mestradu hamutuk nain 6 no Lisensiatura hamutuk nain 48.
“Hau lori familia boot DIT hatoo obrigado wain ba inan aman no graduadu sira hotu neebe fiar DIT, hodi investe siensia no matenek iha Nasaun Timor Leste, instituisaun ida nee nafatin iha komitmentu hodi dezenvolve kapasidade Timoroan iha area edukasaun ho kualidade atu lori nasaun ida nee ba futuru,” Dehan nia.
Iha biban nee, Estanislao Sousa Saldanha, Prezidente Konselhu Permanente DIT, Reprezenta Konselhu Administrasaun Cristy Sword Gusmão hatoo mos agradese ba inan aman neebe fiar DIT hodi haruka oan sira eskola, investe iha Siensia no Teknolijia ba futuru Dezenvolvimentu Rai doben TL iha futuru.
Observasaun STL iha ambitu serimonia Solene Graduasaun DIT tinan 2025, Serimonia dezenhu hp furak maibe atendimentu husi Salaun OKA mak ladun iha kondisaun tanba ahi eletrisidade mate lakan too estudante finalista ho inan aman tenke tratamalu ho Seguransa OKA iha portaun oin.
(jos)
