DILI, STLTIMORLESTE.com – Dili Institute of Technology (DIT) hamutuk ho familia graduadu sira realiza misa agradesimentu ba programa Lisensiatura ba dala XX no Mestradu ba dala VII, iha knua DIT.
Liu husi omilia Amu Kapelaun DIT, Padre Santiago Saiz Gonzalez.OP esplika kona-ba tradisaun Nossa da Graça Nain Feto Maria aparese dala rua iha Paris, iha novicia ida bolu kapelina lapoder estranju tebes, maski ema la fiar nia, maibe sira rekonhese katak los duni Nain Feto Maria mai haruka nia prepara medalia milagroza.
“Iha omilia hau esplika kona-ba tradisaun Nossa da Graca Nain Feto Maria aparese dala rua iha 1930, iha Paris, iha novicia ida bolu kapelina lapoder estranju tebes, maski ema la fiar nia, maibe sira rekonhese katak los duni Nain Feto Maria mai haruka nia prepara medalia milagroza, se mak ba iha neeba reza ho medalia ida nee bele hetan grasa foun,” hatete Amu Kapelaun DIT, Padre Santiago Saiz Gonzalez.OP liu husi omilia, bainhira prezide misa agradesimentu iha Knua DIT, Kuarta nee (27/11/2024).
DIT tuir Padre Santiago hili Nain Feto da Grasa nuudar padroeira DIT nian, tanba iha tinan 2006, problema barak iha sosiedade laran nomos iha Dili laran ema nia sasan hetan estraga, maibe kampus antiga DIT iha Bairo Pite eskola fasilitadade sira la hetan estraga, sira sente katak ilas Nain Feto da Grasa Universidade nee.
Atu Nunee eskola nee kontinua halao prosesu aprendizajen, nunee DIT muda Mai iha kampus foun Aimeti Laran, ho hanoin ida katak harii gruta Nain Feto da Graca atu nunee estudante Dosente vizita gruta nee halo orasaun, depois tama aula, DIT lahapara estudante barak nunee Gruta nakfilak ba Kapela Nain Feto da Grasa DIT estudante sira iha tempu livre hakat ba iha kapela halo orasaun nomos lee biblia.
Iha fatin hanesan, Reitor DIT, Salustiano dos Reis Piedade agradese ba Amu Santiago selebra misa agradesimentu nee ba graduadu sira nomos inan aman husi graduadu nebee partisipa iha misa nee, agradese ba Koru DIT, neebe hananu furak hodi hahi no hanai iha selebrasaun misa nee.
(joa)
