DILI, STLTIMORLESTE.com – Dili Institute of Technology (DIT) sei fo oportunidade ba estudante foun neebe remata ona estudu iha ensinu sekundariu bele mai rejistu iha DIT, ba iha etapa segundu nian.
Reitor DIT, Salustiano dos Reis Peidade hatete, ba primeiru etapa estudante foun sira tuir orientasaun nee remata ona horiseik no total estudante neebe rejistu hamutuk nain 1.770, maibe tuir orientasaun nee hamutuk nain 1.300 resin.
“Ami sei fo oportunidade ba estudante neebe remata sira nia estudu iha ensinu sekundaria, ami sei fo tan etapa segundu para sira bele mai rejistu, se hakarak kontinua estudu iha DIT ami sei fo tan oportunidade ba estudante foun atu rejistu,” hatete Reitor DIT, Salustiano dos Reis Peidade ba STL iha knua DIT, Sabdu (01/03/2025).
Reitor DIT informa, husi departamentu sanulu nee iha Departamentu rua hanesan Finance Management no Accounting mak taka ona, tanba estudante barak liu ona, maibe ba departamentu sira seluk sei fo oportunidade atu rejistu mak hanesan Mekanik Engineering, Komputer Sciense Petroleum engineering, Petroleum, Tourisme Management, Hotel Management no Englesh, sei oportunidade para sira para bele mai rejistu tan.
Reitor DIT sublina, kona-ba departamentu rua neebe taka nee ba regularmente ba dader mak taka, maibe estudante sira hakarak eskola iha lokraik nee bele, maibe departamentu Finance Management no Accounting sei fo oportunidade iha eskola lokraik ba nian dader labele ona.
Nunee tarjeitu ba DIT kada departamentu tarjeitu ba nain 200, kuandu too ona rejistu ba estudante foun taka, tanba bazeia fasilidade neebe DIT iha mos sufisiente numeru neebe DIT tarjeitu ba, kuandu simu barak demais estudante tuir prosesu aprendizajen lao ho diak, tanba nee rekruta estudante bazeia ba fasilidade DIT nia.
Nunee fasilidade DIT sufisiente, tanba kada aula fahe ona ba departamentu, tanba nee departamentu iha kapasidade naton para hodi utiliza.
Reitor DIT husu estudante remata ona estudu iha ensinu sekundariu, DIT fo.oportunidade ba imi para bele mai aprende hamutuk iha DIT, tanba DIT oferese edukasaun neebe kualidade, iha fasilidade naton para hodi tulun estudante sira iha prosesu aprendizajen.
Nia dehan, kona-ba rekursu umanu DIT sufisiente tebes, tanba dosente neebe akaba sira nia doutoramentu por volta nain 19, no restu nee hotu-hotu mestradu.
(joa)
