DILI, STLTIMORLESTE.com – Diresaun Jeral Ordenamentu Teritoriu (DJOT) liu husi Diresaun Nasional Ordenamentu Espasial (DNOE) halao enkontru ho Prezidente Autoridade Munisipiu Aileu no Ainaro, hodi diskuti kona-ba estabalesimentu membru komisaun konsultiva ba planu Munisipal ordenamentu teritoriu.
Hatete Diretor Jeral Ordenamentu Teritoriu, Roger Tertuliano Belo ba jornalista sira, hafoin remata enkontru iha Salaun AND- MPIE Fatuhada, Dili, Segunda (11/11/2024).
“Ohin ita halo enkontru estabelesimentu membru komisaun konjuntiva ba elaborasaun planu Munisipal Aileu no Ainaro,” hatete Roger Tertuliano.
Nia dehan, planu Munisipal ordenamentu teritoriu importante tebes ba dezenvolvimentu Munisipiu rua nee, iha inisiu isu neebe liga ho benfeitor sira seluk ninia knaar, nunee ohin diskusaun ba programa ba projetu sira neebe sei implementa iha Munisipiu rua nee para husi konsulta guia informasaun depois elevaborasaun nee konsidera mos projeitu sira neebe iha.
“Ita iha konsultan lokal naran tripot mas servisu hamutuk ho konsultan Indonezia rua, sira lori ahli husi Indonezia mai depois ajuda konsultan lokal pra halo evaluasaun,” dehan nian.
Iha fatin hanesan, Prezidente Autoridade Munisipiu Ainaro, Manuela Georgina Carmo Bucar Cortereal hatete, primeira vez partisipa iha Komisaun konsultivu ba planu Ordenamentu Teritoriu Munisipal nian hau ho Prezidente Autoridade Munisipiu Aileu, kontente tebes tanba ohin partisipasaun husi Ministeriu relevante neebe relasaun oinsa hanoin, atu dezenvolve Munisipiu neebe ho diak planeadu atu uza espasu sira neebe iha Munisipiu ho didiak.
Nia dehan, ema aumenta maibe rai la aumenta nunee espasu nee uza halo diak fatin Turizmu nian, fatin ba Agrikultor nian uza masimu didiak para atu nunee aumenta populasaun nee labele fatin neebe mak tau espasu ba Agrikultora nian.
(joa)
