DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) halao ona orientasaun ba lideransa husi eskola no Ekipa Jestor Programa (EJP) merenda eskolar, ho nunee bele prepara ai-haan neebe diak iha implementasaun merenda eskolar ba estudantes sira.
Xefi Departamentu Programa Merenda Eskolar iha ME,Belchior Maria Almeida Barros dehan, konaba orientasaun nee mak ME halo ba EJP, kuzineira no direzente eskola sira ami foka liu ba preparasaun aihan seguru no aihan ho nutrisaun. Lao ona iha primeira semana fulan Novembru. Orientasaun nee hahu husi RAEOA, Maliana, Manatutu, Baucau Viqueque no ikus iha Covalima.
“Hau hanoin orientasaun nee lao hotu ona,” dehan nia STL, Tersa (25/11/2025).
Iha fatin seluk Superintendente Edukasaun Munisipiu Dili,
Cesarina Correia Guterres dehan, konaba merenda eskolar, nee inspektores sira mak halo kontrolu ba iha eskola sira.
“Ita nian inspektor eskolar halo kontrolu ba ita nian implementasaun programa merenda eskolar neebe mak lao iha ita nian eskola sira, no sira halo kontrolu ba atividades seluk neebe mak lao iha ita nian eskola sira,”katak nia.
Nunee mos Diretur EBC Manleuana, Carlos Correia hatete, durante nee inspektores sira sempre mai halo kontrolu ba merenda eskolar iha eskola, tanba nee EJP sira prepara aihan ba estudantes tuir menu neebe mak prepara ona hanesan ikan, ayam poton la tama iha menu merenda eskola nian.
Jornalista: Jacinta Sequeira
Editora: Domingas Gomes
