DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) iha ona planu sei atualiza dadus defisiensia iha Pre-eskolar, Ensinu Sekundariu no Tekvo.
Haktuir Diretor Nasional Edukasaun Inkluzivu Asaun Sosial Eskolar, Fernando Soares ba STL, Kuarta (29/01/2025).
“Defisiente nee mak ita sei mantein hela ho planu neebe mak ita iha. Tinan nee ita sei atualiza dadus defisiensia iha nível Pre-eskolar, Tekvo no Sekundariu Jeral. Agora ita halo planu ona para hetan aprovasaun,” nia dehan.
Nia hatete, planu nee halo hotu ona, hein hetan aprovasaun, dadus nee foti husi Pre-eskolar, Sekundariu no Tekvo, hodi bele hetan formasaun neebe mak diak hodi bele partisipa iha ezame nasional.
Tanba Tuir Fernando, dadus neebe mak atualiza iha tinan kotuk, dadus ida nee mak sei nafatin, tanba liu husi atualizasaun dadus iha eskola nee, bele hatene labarik defisiensia nain hira mak asesu ona edukasaun formal.
(jac)
