DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) simu informasaun kona-ba implementasaun merenda eskolar husi Inspekmtores no koordenador sira.
Afirma Xefe Departamentu Programa Merenda Eskolar, Belchior Maria Almeida Barros ba jornalista STL iha nia knaar fatin Vila Verde, Kuarta nee (30/07/2025).
“Liga ho formasaun kona-ba atu halo formasaun ba EJP ho lideransa eskola nee seidauk realiza, tanba seidauk hetan aprovasaun husi Exelensia Ministra, ohin hau foin halo justifikasaun ba iha Gabinete Ministra. Ita halo kontrola liu inspetor eskolar sira mak halo kontrola ba implementasaun merenda eskolar ba ita nian eskola sira, depois mak fo informasaun mai iha ami nian diresaun,” nia deklara.
Nia hatutan, halo kontrola liu husi inspetor eskolar sira mk sempre update informasaun mai iha nasional, nomos koordenador merenda eskolar husi munisipiu sira Kuaze ke informasaun katak produsaun sei menus liu-liu ba ai-haan fo protein no mineral sira, nee duni husi diresaun nafatin simu informasaun husi sira.
Iha fatin seluk, Cesarina Correia Guterres nuudar Superintendente Edukasaun Munisipiu Dili hatete, kona-ba merenda eskolar nee inspetores sira mak halo kontrolu ba iha eskola sira nee.
“Ita nian inspetor eskolar halo kontrolu ba ita nian implementasaun programa merenda eskolar neebe mak lao iha ita nian eskola sira no sira halo kontrolu ba atividades seluk neebe mak lao iha ita nian eskola sira,” katak nia.
Nunee mos Diretor EBC Manleuana, Carlos Correia hatete, durante nee Inspekmtores sira sempre mai halo kontrolu ba merenda eskolar iha eskola, tanba nee EJP sira prepara ai-haan ba estudantes sira tuir menu neebe mak prepara ona, hanesan ikan, ayam potong la tama iha menu, durante nee estudantes sira han naan karau, koto, modo tahan no seluk tan.
“Durante nee ita nian nspetores sira sempre mai halo kontrolu ba merenda eskolar iha eskola, tanba nee EJP sira prepara ai-haan ba estudantes tuir menu neebe mak prepara ona, hanesan ikan, ayam potong la tama iha menu, durante nee estudantes sira han naan karau, koto, modo tahan no seluk tan,” nia esplika.
(jac)
