DILI, STLTIMORLESTE.com – Ministeriu Edukasaun (ME) liu husi Diresaun Nasional Rekursu Humanu (DNRH) loke ona email hodi fasilita profesores neebe koloka ona, liu-liu ba sira nian lista prezensa bele haruka direita ba email neebe mak iha.
“Ida nee ami informa ona liu husi email no karta, no servisu hamutuk ho diresaun nasional ensinu baziku para atu bele submete ona lista prezensa profesores sira nian, tanba nee ami nafatin haree asuntu ida nee, ho nunee ita bele prosesa sira nian direitu ida nee,” dehan Diretora Rekursu Umanu iha ME, Anita Tavares Ribeiro de Jesus ba STL iha ME, Segunda nee (25/11/2024).
Anita hatutan, Diresaun Nasional Rekursu Humanu (ME) husu nafatin lista prezensa profesores foun ba Edukasaun Munisipiu idak-idak hatama mai iha nasional, maibe balun simu daudaun ona iha nee, no sira mos loke email para fasilita profesor sira bele direita liu husi email, atu nunee bele prosesa sira nian subsidiu transporte no subsidiu kolokasaun inisial, nee ba profesores neebe koloka iha faze segundu no terseiru.
(jac)
