DILI, STLTIMORLESTE.com – Hahu fulan Janeiru too fulan Dezembru tinan 2024, Polisia Nasional Timor Leste ( PNTL) liu husi Departamentu Nasionál Tránzitu no Seguransa Rodoviária (DNTSR) prende evidensia liu-liu karreta sira estadu nian hamutuk 121.
“Ita prende evidensia liu-liu karreta sira estadu nian hamutuk 121 no aplika koima ka multa ba infrator sira hamutuk US$ 9000 resin,” dehan Komandante Departamentu Tranzitu no Seguransa Rodoviariu Nasional, Superintendente Asistente Luís Costa ba jornalista sira iha Komando Jeral PNTL, Dili, Kurta (08/1/2025).
Tanba tuir nia, Polísia Tranzitu halo mos aprensaun transporte privadu rihun 16 resin, no transporte publiku hamutuk rihun 1 resin, inklui dokumentu sira.
“Evidensia hirak neebe Polísia Tranzitu prende nee hamutuk 121 karreta estadu, transporte privádu hamutuk 16,719, transporte públiku hamutuk 1634, no mos dokumentu sira neebe mak polísia prende iha munisípiu 14 nee hamutuk 7990,” nia esplika.
Aleinde nee nia dehan, prosesu ba karreta sira estadu nian nee hanesan baibain, tanba iha tinan kotuk sira halao servisu konjunta entre linha ministerial sira neebe mak atribui tiha ona despaisu konjunta nian.
Maibe prosesu ba karreta sira estadu nian nee hanesan baibain, tanba iha tinan kotuk sira halao servisu konjunta entre linha ministerial sira neebe mak atribui tiha ona despaisu konjunta nian.
Iha fatin ketak, Kondutor Taxi Julio Filipe da Costa hatete, karreta Taxi no Mikorlet nomos karreta privadu barak mak Polísia Tranzitu prende, maibe karreta Taxi neebe sira prende tanba Kondisaun la diak no balu dokumetu laiha.
(jen)
