DILI, STLTIMORLESTE.com – Dom Virgilio Kardeal do Carmo da Silva, SDB husu lider nasional atu hatudu dalan ba populasaun sira iha territoriu laran, oinsa kria dame hodi kontribui ba prosesu dezenvolvimentu nasaun nian.
Dom Virgilio Kardeal do Carmo da silva hatete, selebrasaun Natal hanesan loron domin nian, maibe alergia ho loron solok ida sei mosu wainhira ema idak-idak hakaas aan duni atu halo tuir buat neebe são João Baptista haklaken oinsa ema idak-idak atu hadia nia aan.
Tuir nia, ema hotu-hotu hakarak dame no klosok, atu buras iha Timor mak ema idak-idak tenki kontribui, kiik ga boot nunee mos ukun nain sira atu halao esforsu ida oinsa bele hetan dame iha sosiedade nia let.
“Ita hakarak dame nee atu akontese mak ema hotu-hotu presiza kontribui, nunee buat neebe dala barak sai obstakolu ba ita nee ita bele hakat liu, atu nunee bele harii dame, tanba dame nee depende ema hotu-hotu hanesan lider no povu presiza kontribui hodi bele harii dame,” hatete Dom Virgilio Kardeal do Carmo da silva wainhira hatoo mensajen Natal ba sarani sira iha Camara Eclesiastika Lecidere, Segunda (23/12/2024).
Dom Virgilio Kardeal do Carmo da Silva hatutan, Timoroan sira presiza kria dame iha selebrasaun Natal no tinan foun no agradese nafatin tanba kada tinan bele selebra Natal no tinan foun hamutuk familia sira iha sosiedade ida nia leet
“Ita labele husik liu, tanba ita nia distinu nee laos iha ita nia liman, tanba se destinu iha ita nia liman ita bele kontrola maibe tanba Maromak mak kaer ita nia destinu mak oportunidade neebe iha nee tenki aproveita duni oinsa kria dame hodi haree nasaun nee nia futuru,” tenik Dom Virgilio Kardeal do Carmo da Silva.
(alb)
