DILI, STLTIMORLESTE.com – Arsebispu Arkedioseze Dili, Dom Virgílio Kardeal do Carmo da Silva, SDB ho Ministeriu Saude (MS) inaugura Kapela Nossa Senhora de Lourdes, iha Hospital Nasional Guido Valadares (HNGV).
Dom Virgílio Cardeal do Carmo da Silva, SDB hatete, kapela ida nee sai fatin espíritual nian ba pasiente ho familia pasiente nomos Pesoal Saúde sira. “Furak mai ita mos inaugura Kapela,” hatete Dom Virgílio Kardeal do Carmo da Silva, SDB liu husi nia omilia, wanhira inaugura Kapela, iha HNGV Bidau, Dili, Kinta (19/12/2024).
Dom Virgílio Kardeal do Carmo da Silva, SDB hatutan, inaugurasaun ba kapela ida nee hanesan dalan ida ba familia boot HNGV, perepara aan espíritualmente ba familia boot HNGV atu halo saida.
“Perepara ita nian tanba nia mai atu hafoun, wanhira ita loke aan ba Maromak ita sempre hetan haksolok, no kapela nee sai nafatin sinal esperansa ba familia boot HNGV ninia,” dehan nia.
Dom Virgilio Kardeal afrima, haksolok ida nee mos bele sai mos esperansa familia boot HNGV, husi inaugura Kapela ida nee no harii kapela ida nee. Kapela ida nee sai nafatin sinal esperasan ba familia boot HNGV, no kapela nee sai fatin ida enkotru moras sira ho Maromak.
Iha fatin hanesan, Ministra Saude (MS) Élia A. A. dos Reis Amaral hatete, kontrusaun ba Kapela Nossa Senhora de Lourdes nee aloka orsamentu mai iha Ministeriu Saude (MS), inaugura ona no sai fatin mahon ida ba Pasisnte nomos Profisional Saude sira.
“Kontrusaun Kapela Nossa Senhora de Lourdes nee ho montante US$ 46,944.80, no kontrusaun hahu husi fulan Agostu no ohin fulan Dezembru ita inagura,” nia esplika.
Nunee mos Diretora Administrasaun Finansa no Lojistika iha HNGV, Sara Maria Filomena Xavier deklara, Ministeriu Saude ohin inaugura ona Kapela Nossa Senhora de Lourdes HNGV ho valor orsamentu neebe gasta ba Kapela nee hamutuk US$46,944.80.
(jen)
