DILI, STLTIMORLESTE.com – Arsebispu Arkedioseze Dili, Dom Virgílio Kardeal do Carmo da Silva, SDB husu ba Sarani sira hotu atu perepara aan hodi selebra festa Natal, tanba loron ida neebe Jesus Kristus moris iha mundu.
“Espíritu ida nee mai ita, tanba nee husu mai ita atu halo saida, atu ita perepara ita nian aan ba festa Natal ninia,” hatete Dom Virgílio Kardeal do Carmo da Silva, SDB liu husi nia omilia wanhira Prezide misa inaugurasaun Kapela Nossa Senhora de Lourdes, iha HNGV Bidau, Dili, Kinta (19/12/2024).
Dom Virgílio Kardeal do Carmo da Silva, SDB hatete, maun alin doben sira, besik ba daudaun Natal ona, no novena ba natal nian, tanba nee parabéns ba sarani hotu neebe iha Timor Leste (TL).
“Natal ita selebra loron moris ida neebe, nee duni ita perepara ba Natal nee saida, ita perepara ba atu loron moris ita Nain Jesus Kristus ida neebe Nai ba Espiritu neebe ita koalia, Nai ida neebe haruka Espiritu fo moris ba iha Santa Isabela, Nai neebe fo Espiritu ba ita hotu,” hatete Dom Virgilio Kardeal do Carmo.
Iha fatin hanesna, Diretor Klinika HNGV, Ana Maria P. Magno informa, nuudar sarani Katolika tenke perepara aan hodi simu Nai Jesus Kristu neebe moris iha mundu.
Nunee mos, Familia Pasiente Luciano do Santos deklara, festa Natal besik ona, maibe labele hamutuk ho familia hodi selebra festa Natal, tanba nia familia moras.
(jen)
