DILI, STLTIMORLESTE.com – Arsebispu Arkedioseze Metropolitana Dili, Dom Virgilio Cardeal do Carmo da Silva, SDB hatete, koalia kona-ba rekonsiliasaun hanorin ema atu perdua no hakuak malu.
“Kuandu koalia kona-ba rekonsiliasaun, los duni igreja labele ses, tanba igreja rasik hanorin nia povu, tanba Jesus iha Cruz leten hanorin sarani sira atu ita perdua malu no hakuak malu,” hatete Dom Virgiio ba jornalista sira iha Camara Eclesiastica Lecidere, Segunda nee (25/11/2025).
Bibi Atan Uma Kreda nee hatete, igreja lao tuir ida neebe harii, igreja nee iha Cruz leten mak Nai Jesus Kristu rasik, Nia hanorin sarani sira atu aprende hadomi nia funu baluk sira, maske kuda hela kanek hirak nee.
Tanba rai Timor mos lao tuir istoria durante tinan naruk, ema hotu koko haree oinsa mai too ukun rasik aan, ukun aan tinan 24 ona, kanek hirak neebe husik hela, ita mos nuudar sarani, iha vizita Amu Papa Francisco nian hanorin mos ita atu perdua malu.
(joa)
