DILI, STLTIMORLESTE.com – Tinan nee dosentes nain 6 husi Instituto Ciência Saúde (ICS) kontinua sira nian estudu maestradu durante tinan 2 iha Portugal no Brazil.
Reitor ICS, Leao Borges dehan, dosentes lubuk ida mak ba estudu iha Portugal no Brazil, maibe tinan ida nee dosentes hamutuk nain 6. Ba Brazil nain 4 no ba Portugal nain 2, nee husi FDCH mak haruka.
“Ami nian dosentes lubuk ida mak ba estudu iha Portugal no Brazil, maibe ba tinan ida nee ami nia dosentes hamutuk nain 6, ba Brazil nain 4 no ba Portugal nain 2, nee husi FDCH mak haruka sira ba hasai maestradu ninian. Sira ba estudu tinan rua iha area edukasaun ninia,” dehan nia ba STL, Kuarta (03/12/2025).
Iha fatin seluk Reitor Dili Institute Of Technology (DIT), Salustiano dos Reis Piedade afirma, tanba MESSK nian preokupasaun ida maka atu dezenvolve diak liu tan lingua português, entaun haruka dosentes sira balun ba estudu iha lingua Português ninia.
“Agora dadaun dosentes DIT neebe mak estudu iha rai liur hamutuk 17,neebe agora dadaun sira eskola hela iha rai liur. Husi 17 nee nain 3 estuda iha Portugal, nain 4 estuda iha Brazil no nain 10 estuda iha Indonesia.
Nunee mos Reitor ISC, Sebastiao Perreira hatete, dosentes iha ISC doutoramentu no maestradu nomos hirak neebe ho grau lisensiatura nee, sira kontinua estudu no governu fo bolsu estudu ba dosente sira.
Jornalista: Jacinta Sequeira
Editora: Domingas Gomes
