DILI, STLTIMORLESTE.com – Iha loron Kinta (16/10/2025) Defensora Publika (DP) Jeral Adjunta no DP estajiadus hamutuk nain 4 simu tomada de pose.
Defensora Publika Jeral Adjunta mak Marcia Sarmento no Defensor Publiku estajiadu nain 4 mak Emilio Fatima Perreira Ribeiro, Mateus Bento Guterres, Diamantino Morais, Gianini Daos.
“Simu tan responsabilidade ida iha familia boot Defensor Publiku, forma ita boot sira nia karakter, personalidade atu tama iha filhera batalha ida neebe depozita ba ita boot sira atu administra justisa, iha forma oin-oin atu konsulida diak liu tan Estadu Direitu no Estadu Demokratiku,” dehan Ministru Justisa, Sergio Hornai iha nia intervensaun, iha salaun Ministeriu Justisa, Kinta nee.
Tuir Ministru Justisa katak, iha Primeiru Ministru nia oin hola parte filhera IX Governu Konstitusional nian, no setor justisa hetan dezafiu boot iha sosiedade. Maibe setor justisa mos bele lori konfiansa ida kuandu ajente operador justisa iha kbiit, sabedoria atu hatan ba problema sira neebe rekore husi ita nia sidadaun sira ho imparsialidade, independensia presta servisu neebe kualidade ba ita nia sidadaun.
Nia, emposadu sira espresa sentifikamente kondisaun sira neebe aprende ho profesor sira iha Sentru Formasaun Juridiku no Judisiaria, hametin vizaun atu bele tau ba iha vokasaun neebe iha. Reafirma kompromisu neebe halo juramentu, atu halo deit ezkuzibidade servisu ba povu no rai doben ida nee.
“Hatene ida-idak nia atribuisaun kompetensia, atu halo artikulasaun no alinasaun deit ba buat ida neebe halo prestasaun ho kualidade iha sosiedade. Iha kompromisu Governu nian, iha planu balu sai hanesan matadalan atu kaer, sai hanesan giaun ba servisu loron loron,” hatete MJ.
Nia afirma, ezijensia mai husi povu no komunidade ida deit, administra justisa nakonu ho responsabilidade, rezultadu prestasaun sira ho kualidade haree ba faktus provas direitu, no forma konviksaun atu fo resposta pedidu mai husi komunidade sira, nee hanesan dezafiu no difisil.
Husu emposadu sira atu prienxe no hakonu ho personalidade, nakonu ho etika deontolojia no disiplina sira seluk neebe simu. Ministeriu Justisa hamutuk ho kareira ida nee atu reintegra fila fali iha IX Governu Konstituisional nian.
Dehan tan, fo justisa lo-loos ba sidadaun sira, ba sira neebe la iha kbit, la iha kapasidade fo justisa ba sira, tanba ida nee mak ema hotu nia hakarak. No esforsu hotu atu eleva nafatin kualifikasaun operador justisa nian.
Iha fatin hanesan, Defensor Publiku Jeral, Cancio Xavier dehan, depozita konfiansa ba iha empossadu sira.
“Hakarak depozita konfiansa ba señor emposadu sira katak atribuisaun responsabilidade neebe mak ohin ita boot sira lee iha termu de pose, ida nee hanesan matadalan ida neebe mak ita hotu hamutuk atu halo tuir,” dehan Cansio.
Nia hatutan, ita sei la halo buat seluk neebe fora husi estatutu perante formasaun sira, dura ba sira sentru naruk ba sira neebe emposadu espresa ao mezmu tempu mos Adjunta hatoo, tanba sai hanesan inspetora Defensora Públika lori tempu naruk oituan ba ezistensia Defensor Publiku nian.
Sublina tan, nudar servidor iha estadu iha Ministeriu justisa neebe hola parte iha servidor justisa kontinua nafatin simu konfiansa beibeik masimu iha dezafiu oin-oin hanesan konsultor estadu ida nee, hanesan fundador ba rai ida nee kontinua nafatin depozita konfiansa neebe mak IX Governu hamutuk ho estadu ida nee.
Jornalista: Terezinha De Deus
Editor: Xisto Mendonça
