DILI, STLTIMORLESTE.com – Polisia Nasionál Timor Leste (PNTL) liu husi Diresaun Servisu Investigasaun Kriminál (DSIK) detein ona sidadaun Timoroan ho inisial AGB, deskonfia hatama sasan kontra bandu hanesan tabaku joker merek pohon sagu karton 50 mai Timor Leste (TL).
Tuir infromasaun neebe STL asesu iha media PNTL katak, ekipa konjunta halo operasaun aprensaun prende ba sasan kontra bandu no detein suspeitu inisial AGB hanesan sasan nain no kondutor ho naran inisial SS ho fragante de litu iha kinta nee (19/06/2025), tuku 04:30 madrugada, iha area Tibalau, Suku Guguleur, Postu Administrativu Maubara, Munisípiu Likisa.
Depois sasan tabaku joker marka pohon sagu nee suspeitu falun ho roupa obralan iha laran, tanba nee ekipa konjunta identifika tiha evidensia sasan kontra bandu nee ho suspeitu AGB ho kondutor, kontinua kedan transporta mai iha kuartél Jerál PNTL Kaikoli hodi submete ba prosesu investigasaun molok ba detein suspeitu iha sela detensaun kumpri oras 72 nia laran.
Entrertantu hafoin halo tiha investigasaun, parte Diresaun Servisu Investigasaun Kriminal (DSIK) rejista kedan ho Nuk : 0182/25.PNSIK hodi liberta kondutor SS fila ba uma, kontinua detein suspeitu inisial AGB ho fragante de litu iha sela detensaun eskuadra Polisia Dom Aleixu kumpri oras 72, depois aprezenta ba Ministeriu Publiku (MP) hanesan nain ba prosesu hodi kontinua submete interrogatoriu dahuluk iha tribunal atu foti desizaun tuir lei neebe viogora iha Timor-Leste.
Iha fatin hanesan, Diretor Diresaun Servisu Investigasaun Kriminál (DSIK), Superintendente Polisia João Belo dos Reis esplika, ekipa konjunta husi Diresaun Servisu Investigasaun Kriminál (DSIK) halo monitorizasaun iha area Tibalau Munisipiu Likisá, konsege hetan kareta truk ida sira deskonfia kareta nee fasilita tula sasan ilegal kontra bandu hosi Indonesia tama mai Territoriu Timor-Leste.
“Ita nia ekipa sira hetan hapara tiha kareta nee, iha identifika sasan kontra bandu tabaku joker marka pohon sagu karton 50 neebe falun ho roupa obralan nia laran atu tula mai iha kapital Dili, entaun ita halo kedas aprensaun detein suspeitu AGB ho fragante de litu, daudaun nee ita submete prosesu investigasaun kontinua detein iha sela polisia oras 72 molok aprezenta ba Ministeriu Publiku hodi kontinua prosesu ba tribunal atu foti desizaun tuir lei neebe vigora iha Timor Leste,” nia afirma.
(jen)
