DILI, STLTIMORLESTE.com – Polisia Nasional Timor Leste (PNTL) liu husi Diresaun Tranzitu Seguransa Rodaviariu (DTSRN) hamutuk ho Seksaun Tranzitu Munisípiu 13 inkliu RAEOA asidente hamutuk 168 no ema neebe lakon vida nain 7.
Nia dehan, dadas asidente neebe DTSRN hamutuk ho Seksaun Tranzitu iha Munisípiu 13 inklui RAEOA asidente 168.
“Dadus neebe ita foti mak iha dia 1 too 30 Abril 2025, relatoriu husi seksaun tranzitu teritóriu nasional kazu asidente ita rejistu hamutuk 168, husi kazu nee ema neebe lakon nee hamutuk nain 7, kanek todan 22, kmaan 181,” hatete Diretor Diresaun Tranzitu Seguransa Rodaviariu (DTSRN), Superintendente Asistente Polísia, Luis da Costa ba jornalista sira iha nia knaar fatin Komando Jerál PNTL Dili, Kinta nee (08/05/2025).
Nia esplika, husi numeru neebe mak rejistu nee iha prosesu final iha kazu tolo (3), prosesu ba Tribunal mak iha kazu neen (6), sei iha prosesu nia laran mak 93, no rezolve anivel infratores hitu nulu resin neen (76).
Nia informa, husi komportamentu asidente ba kontribuisaun humanu mak 90%, fatór veikulus 50%, nomos favór natureza mak 50%.
Iha fatin ketak, Komandante Komando PNTL Munisípiu Likisa, Superintendente Polísia Paulino Carmo Pereira esplika, Munisípiu Likisa nian estrada persiza kontrola no sempre fó sosializasaun ba estudante sira nomos kondutor sira neebe utiliza motor no kareta tenke halao movimentu kuidadu.
“Tanba Likisa ita haree komesa husi portaun Tibar mai Lauhata too Loes nee estrada protokolu, neebe periza kontrola velosidade transporte nian, liu husi regras sinais neebe ita tau, tanba kuaze loron-loron asidente sempre mosu,” nia afirma.
(jen)
