DILI, STLTIMORLESTE.com – Ministra Edukasaun (ME), Dulce de Jesus Soares rekonhese bolsa kandidatu profesores hamutuk 200 resin neebe koloka iha fulan Abril, sira seidauk simu salariu ba fulan tolu.
Afirma Ministra Edukasaun (ME), Dulce de Jesus Soares ba jornalista sira iha sala VIP ME, Kinta nee (17/07/2025).
“Uluk nanain lori ME nian naran hakarak hatoo ami nian apresiasaun boot tebes-tebes ba profesores sira, liu-liu ba sira neebe bolsa kandidatu purvolta 200 resin neebe mak foin daudaun iha fulan tolu liu ba koloka ona iha pre-eskolar sira, los duni prosesu nee hau hanoin laos prosesu foun ida, mezmu sira bolsa kandidatu uluk mos lori tempu kuaze fulan tolu atu bele halo sira nian pagamentu primeiru, maibe hau rekonhese falhansu tekniku oituan iha ME, neebe mak ami koko atu rezolve ona,” nia dehan.
Ministra Edukasaun Dulce akresenta, pelumenus dia 20 Julhu neebe mak funsionariu públiku sira simu salariu, bolsa kandidatu profesores neebe koloka iha fulan Abril, sira sei simu sira nian salariu ba fulan tolu nian.
(jac)
One Response
Obrigado barak Exelensia hanesan Inan aman kuitadu los Sira tanba Professor balun desstakadu husi Fatin dook Sira ful- Fulan ba Doben dtkios,dalan Ida Tan obrigado barak ba Exelensia