DILI, STLTIMORLESTE.com – Servisu Nasional Ambulansia no Emerjensia Medika (SNAEM) fo sai dadus durante jogu desportivu Comunidade dos Paisés de Lingua Portuguesa (CPLP) ba dala XII iha Timor Leste.
Diretor SNAEM, Simplicio Amaral dehan, husi Komisaun Saude Nasional ba eventu jogu desportivu CPLP ba dala XII hahu husi loron 19-26, SNAEM atende atleta hamutuk 86.
“Dezde hahu abertura ba jogu desportiva CPLP iha dia 19 too remata, portantu atleta no adeptu neebe mak durante semana ida nia laran SNAEN atende iha terenu hamutuk 86 maioria Timoroan mak barak liu,” dehan Simplicio ba jornalista sira liu husi konferensia imprensa iha salaun SNAEM Kaikoli, Segunda (28/05/2025).
Nia dehan, husi numeru 86 nee diferensia iha modalidade liu-liu iha Basket ho atletizmu sei iha tan kazu grave barak liu maizumenus 3 ka 4 hanesan nee, liu-liu atleta estranjeiru sira konsege evakua ba HNGV hodi halo ezaminasaun.
“Total pasiente husi membru CPLP liu-liu husi Cabo Verde nain rua mak tohar oituan iha ninia ain nunee sira haruka ba kedas iha HNGV, ekipa iha neeba halo rexis no ida fali atleta husi Portugal modalidade futebol mos trauma iha ain tuur nee mos ba halo hotu resis iha HNGV.
Husi parte saude komesa atendimentu ba atleta sira la hasoru problema no dezafius, problema mak momentu ita evakua pasiente sira iha hospital tanba masa barak liu ida nee mak sai hanesan dezafius ida mai em termus de ekipamentus no medikamentu.
Nia tenik, kazu asidente ekipa SNAEM la identifika, tanba MS distribui nia ekipa sira hotu liu-liu ba kontrolu epidelogia sanitariu sira nee koloka hotu ekipa saude mos iha hotu nia saude iha bainaka neebe mak iha ekipa mos koloka hotu ba hodi monitoriza atende ba 24 oras.
“Kazu grave ruma haree ba aspetu mosal nee laiha maibe haree ba individu atleta ida rua husi liur, problema sira nia ruin kona ba mosal nee ita fo ba HNGV, total pesoal neebe mak ita mobiloza iha jogu nee hamutuk 150 maibe depois kada modalidade loron ida menus maibe too final ita bolu fila fali iha eventu enseramentu ida nee.
Durante Jogu Desportivo CPLP SNAEM Atende Atleta total hamutuk 86, Timoroan hamutuk 76 no membru CPLP hamutuk 10, entre sanulu nee husi Cabo Verde 4, Portugal 1 ho Moçambique 5.
(EST 1)
