DILI, STLTIMORLESTE.com – Autoridade Protesaun Sivil (APC – sigla português) hatoo relatoriu semanal kazu tipu dezastre anin sobu uma, rai halai no ahi han inklui mate ida no kanek rua iha territoriu Timor laran tomak.
Xefe Gabinete Relasaun Externa no Komunikasaun (GREK), Nelson Nunes Orleans hatete, hahu husi loron 14 too loron 22 fulan Abril tinan 2025 durante semana ida rejiaun Timor Leste akontese tipu dezastre sinops, APC rejistu kazu dezastre hamutuk total hanesan estragus uma sanulu resin sia (19), mate ida (1), kanek rua (2), anin sobu uma neen (6), rai halai uma ualu (8), ahi han uma lima (5), prienxe kriteria hamutuk (13), apoiu deit emerjensia hitu (7), numeru afetadu hamutuk atus ida sanulu resin rua (112), ema evakua hamotuk rua nulu resin tolu (23)
“Akontes iha munisipiu mak hanesan Munisipiu Ainaro ahi han uma ida (1), Munisipiu Baukau anin sobu uma tolu (3), Munisipiu Dili anin sobu uma ida (1), Munisipiu Ermera rai halai estragus uma ualu (8), Munisipiu Likisa mate ida (1) no kanek rua (2), Munisipiu Manufahi anin sobu uma ida (1), RAEOA ahi han uma tolu (3), Munisipiu Vikeke anin sobu uma ida (1) no ahi han uma ida (1),” dehan Xefe GREK, Nelson Nunes Orleans liu husi konferensia imprensa iha APC Kaikoli, Dili, Segunda (28/04/2025).
Nia hateten, husi parte APC halo kedas pakote emerjensia ba vitima sira durante dezastre.
“Husi parte Komando APC halo kedas ajuda pakote emerjensia ba ita nia vitima sira durante dezastre,” dehan nia.
(EST 4)
