DILI, STLTIMORLESTE.com – Autoridade Protesaun Sivíl (APC – sigla português) liu husi Gabinete Relasaun Esterna no Komunikasaun halao komunikadu imprensa relata dadus dezastre naturais durante semana ida, rejistu vitima afetadu ba dezastre hamutuk 27 no vitima nain 1 mate hafoin akontese dezastre iha RAEOA.
Xefe Gabinete Relasaun Esterna no Komunikasaun, Nelson Nunes Orleans hatete, hahu loron 7 Abril 2025 too 14 Abril 2025, durante semana ida nia laran APC halao servisu iha munisipiu sira hodi rekolha ka rejista kazu dezastre naturais hanesan rai halai afeta uma rua, ahi han uma ida, anin sobu uma rua, apoiu emerjensia rua, ema afetadu hamutuk ruanulu resin hitu, ema evakua hamutuk sanulu resin neen no prienxe kriteria hamutuk tolu.
“Munisipiu sira ne’ebe hetan afetadu husi dezastre naturais hanesan Munisipiu Kovalima rai halai estraga uma rua, Munisipiu Lautem ahi han uma ida, Munisípiu Likisa anin sobu uma ida, RAEOA ema mate nain ida, Munisípiu Vikeke anin sobu uma ida,” dehan Nelson ba jornalista sira iha APC Kaikoli, Segunda (14/04/2025).
Nia hatutan, durante akontesimentu nee APC halao kedas apoiu emerjensia ba iha vitima afetadu ba iha dezastre naturais no halo mos evakuasaun ba iha ema sira ne’ebe hetan dezastre naturais, APC mos halo rejistrasaun ba iha uma sira neebe hetan afetadu husi dezastre nee, nomos oferese pakote emerjensia ba vitima sira kada munisipiu, tanba membru APC sira iha munisipiu idak-idak halao ninia servisu, bainhira akontese dezastre sira prontu atu apoiu emerjensia ba vitima sira.
(EST 4)
