DILI, STLTIMORLESTE.com – Profesores husi Ensinu Baziku Sentral (EBC – sigla português) Fatumeta hahu halo korresaun ba pontus ezame lokal.
Tuir Adjunta Diretora EBC Fatumeta, Silvina da Silva Pacheco katak, ezame lokal nian nee remata iha Sabadu (19/10/2024), nunee profesores sira halo kedas korresaun ba pontus ezame lokal ba estudantes 300 resin neebe mak partisipa ona iha ezame refere.
“Hau hanoin kona-ba ezame lokal ninia nee remata iha Sabadu, no ohin ami nian profesores sira halo kedas korresaun ba pontus ezame lokal husi ita nian estudantes 300 resin neebe mak partisipa ona iha ezame nasional no ezame lokal,” tenik Adjunta Diretora EBC Fatumeta, Silvina da Silva Pacheco ba STL iha nia knaar fatin Fatumeta, Segunda nee (21/10/2024).
Nia dehan, ohin sei kontinua halo korresaun, no aban sei tau rezultadu husi pontus ezame lokal nee ba iha tabela deit, depois de ezame lokal estudantes sira sei deskansa lai iha uma. Kona-ba pontus ezame nasional ninia nee halo korresaun iha ministeriu.
(jac)
