DILI, STLTIMORLESTE.com – Ensinu Baziku Sentral (EBC – sigla português) Fatumeta halo ona proposta ba Ministeriu Edukasaun (ME), hodi bele aumenta profesores ba materia 5.
Kestaun nee hatoo husi Diretor EBC Fatumeta, Cornelìo Sequeira dos Santos ba STL iha nia knaar fatin, Kuarta nee (20/11/2024).
“Ami menus profesor, maibe ami buka meus atu hadia buat balun iha ita nian nasaun, nee mak profesor sira tenke kaer sira nian kargu orariu l, pasensia tenke aumenta tanba materia neebe iha sei menus profesor,” nia dehan.
Nia dehan, materia neebe mak sei menus profesor nee mak siensia fizika, naturais, desportu nain tolu, tetum nain rua, CVT nain ida, nomos siensia sosiais nain ida.
Nia hatete, sira halo ona proposta dala 3 ka 4 ona ba ME, maibe Ministeriu sei tau prioridade ba area remotas, foin daudaun halo fali xamada.
(jac)
