DILI, STLTIMORLESTE.com – Ensinu Baziku Sentral (EBC – sigla português) Fatumeta kontinua simu estudantes foun, no tuir planu aula normal iha semana ida nee nia laran.
Dehan Diretor EBC Fatumeta, Cornelio S. dos Santos ba STL iha nia knaar fatin, Tersa nee (07/01/2025).
“Tuir ami nian planu, tinan nee ami sei simu estudantes foun hamutuk 350, maibe agora daudaun ita nian estudantes foin mak 250 resin, nee seidaik bele akomula ami nian sala 8 neebe mak daudaun nee ami iha ona, maibe kuandu mai mak sala la too ona, ami buka meus oinsa mak bele kompleta sala 8 neebe iha,” dehan Cornelio.
Cornelio dehan, maske planu eskola nian atu simu estudantes foun too 350, maibe agora daudaun estudantes neebe mak mai husi filial tolu inklui mai husi eskola privadu sira seluk neebe mak tama iha eskola ida nee, ohin ho aban sira sei kontinua simu nafatin estudantes foun.
“Tanba ita nian numeru estudantes foun foin mak 200 resin deit, nee duni ita sei kontinua simu nafatin estudantes foun, ho nunee bele too planu eskola nian ho numeru estudantes neebe ohin hau mensiona,” dehan nia.
(jac)
