DILI, STLTIMORLESTE.com – Maske Eskola Baziku Central (EBC) Manleuana hatama ona relatóriu, maibe too agora sira seidauk simu konsesaun eskolar.
Kestaun nee hatoo husi Diretor EBC Manleuana, Carlos Correia ba jornalista STL, Kinta nee (22/01/2026).
“Agora daudaun prosesu ba dadus nee lao hela, tanba konsesaun eskolar nee kada tinan sempre iha hela, nee ita uza ba iha material eskola nian, liu-liu ba iha kadernu, lapizeira, jis, materia sira seluk neebe kona-ba didatiku ninia, nee mak ita nian eskola sira presiza. Ami nian relatóriu ami submete ona,” tenik nia.
Carlos dehan, nee duni konsesaun eskolar ba tinan ida nee seidauk simu, tanba sei hein osan husi PAM nee, tanba ida nee husi Ministeriu Estatal nian okos, nee duni husi PAM mak sei atribui osan nee ba eskola. Eskooa públiku nee kada estudantes sei hetan dolar rua, maibe eskola privadu no katolika sira mak hetan dolar ida.
(jac)
